黃漢先弟兄靈命年幼時的經歷
黃漢先弟兄在一次成聚與我們分享：我細個既時候，系我信主冇幾耐呢，來到聚會裡面，坐系噠地方聚會，尤其是系擘餅聚會裡頭，有d年長既弟兄坐在我側邊，哎呀！呢個年青人都唔錯呀，咩聚會都黎呀，咁系聚會又好早到呀，於事乎佢坐系我側邊就幫我一d忙，咁幫我咩忙呀？見我一首詩歌唱過左之後又冇開口，兩首詩歌又冇開口，於是乎佢就伸隻手拍一拍我大脾：「啪啪啪啪」。等到我散左會就問佢「你咩意思呀？」佢話：「我拍下你就叫你開口讚美主！」唉～咁我知啦，我明白啦！咁我第二次呢，有時剛剛蒙恩呀，好細膽呀，對唔對呀？所以佢呢就幫助我，拍一拍我，咁我就知道，呀！我應該要開口，有時候佢揭埋詩歌遞過黎，佢唔講，我講！幫助下我，咁我感謝主啦，比我一些屬靈的幫助，慢慢慢慢，信主耐，慢慢慢慢，付一d責任，慢慢慢慢，學習服侍囉。年長的弟兄就比左咁既幫忙，咁所以話呢，哎呀！聚會侍奉主，聚會係要付一些責任架！系聚會裡面要管一管時間的問題，系聚會裡面係要管下弟兄姊妹的光境問題。到真係侍奉啦，就派用場，從前係人地拍我大脾而家係我拍人大脾。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
青聚(黃偉強)以弗所書6:18-20
最初記錯佢個名「黃偉文」，原來係我搞錯，真係都唔知點解呢！可能係我掛念弟兄。
神的僕人今次談到，藉祈禱服事神、禱告(代禱)的支持，需注意的地方：要倚靠聖靈的幫助，順著聖靈的引導、感動。不要單憑血氣。羅8:26「況且我們的軟弱有聖靈幫助、我們本不曉得當怎樣禱告、只是聖靈親自用說不出來的歎息、替我們禱告。」另外都學習到一個詞語「多方」禱告祈求，就是不同時間、不同形式、沒有刻意的安排。記得舊約聖經有記載過一日禱告七次，初信主果陣都有，開眼起床、早上靈修開始、完畢、早餐、午餐、晚餐、睡前晚禱，嘩！僅僅夠。不過其實都唔係在乎有多少次，而是在乎個心是否完全向主坦言，話多話多都未必好，求主教導。為聖徒祈求(代禱)，神的話教導我們要警醒不倦禱告。禱告都需要有操練，要安靜、等侯聖靈的引導。正如會後榮基導師都咁講，其實主知道我們、故念我們、將我們所需的、所缺乏的，賜給我們、供應我們。
散會後與福沛弟兄交通，佢忽然問我讀過箴言後有咩野亮光呀？我內心有點驚慌失措，因為我沒有預料果個moment會有人問我，我連亡翻開自己本聖經講番自己間低果d野出黎交通，咁就證明自己對於神的話唔係咁上心，要改啦！因為我們應該隨時作好準備架嘛？唔單止係得救的見證架！所以我覺得同屬命比我長一點的肢體交通係一個挑戰，而且更顯出自己的軟弱無能。又再次被激發！自己有好多方面唔掂，要多多追求，認真學習。既然主藉著福沛弟兄比左咁好既提醒我，我都要早d休息，將自己平時的睡覺時間再提早半個鐘，咁就可以早d同埋有精神d早上同主交通、親近主，唔遭撻呢段時間。要行！澈底執行！
之後走果陣同天維往長沙灣方向慢慢步、交交通，行到公園的時候見到d老人家坐系度吹風傾計咁寫意，我都希望可以咁，不過最後都冇提出，短短幾個字，同弟兄交通左唔少野，平時交通的時間不多，呢d時間可以好深入咁大家講真話(我意思唔係平時成日講假話)，其實都好難得。好啦！一切都禱告交托，奉主耶穌基督之名，阿門。
聽日下午的讀經，ＯＮＥ、ＴＷＯ、ＴＨＲＥＥ、ＦＯＵＲ、ＦＩＶＥ、ＳＩＸ，唔好數漏呀。無論有幾多人可以出席，我知道主都會在等待我們赴會。
「我兒(如同親口呼喚我的名字)、要將你的心歸我，你我眼目也要喜悅我的道路(不單要走主的道路，而且主願意我們好【喜悅】咁樣去走，不是出於勉強)」箴23:26
文章定位：
