今天早上番祈禱會，都好有感動為肢體代禱，不過真係唔識好好把握時間，好快就散會了，只好默默祈禱交託，真係要好好學習同心禱告呀。在訊息聚會中，主實在指出自己好軟弱的地方，劉啟光弟兄一開始就中了point！就係：有些事我們明知道要做，但係偏偏又做唔到(做唔好)；有些事我們明明安排好晒，但係最終又搞到一團糟！唉～～其實唔係諗住自己得，就可以得架！Ｘ(因為憑自己，沒有靠主)。而主為我們預期已久的支票、或是吃飽到一個地步可以完全滿足的恩典，但我們往往時常慷主的慨，明明可以「得力」就變為「乏力」(係我諗出黎既)。我們不能享受平靜安穩的原因，是我們抓住不肯放手。真係好需要主在我們的生命上作工，有時自己都唔明白主為何要我遭遇一件事情、又或者用人事物擺在我眼前，你真心揀選主定係呢d必壞的東西呢？如是你揀選主，你必須有所放棄。主若認為未夠的話，可能叫你一放再放，去到一個地步，主話：我用你了(聖潔、合乎主用)。至於基督徒果三種形態，我肯定列入第二種，要修剪的(有”囉”味)：我太舒服啦、我生活質數太高啦、太易將主忘了。有時聚會聚到一個地步，因循、習慣了？失去新的味道 v_v 我們慢慢失去了。主呀！聚會，我需要遇見你自己，你且成為我每天的供應！最後劉啟光弟兄都留左一樣好野比我地：每日讀聖經的時侯，找一節讀多兩次、背記在心中，將其帶入生活裡面，有空檔就想下呢節聖經，我們會經歷好奇妙、得力！在乎連於主～
聚會過後，主都賜下機會同永鴻弟兄交通幾句，想起我第一次來到聽福音，他就是我第一個認識的人，見他咁年輕覺得好難得，這是當時的感覺，但是一直未有機會真正認識呢位弟兄，到而家都係咁話(未真正認識)。回想起我同永鴻弟兄交通、禱告的情景都要算是在上一年的夏令會分組交通，他在其中亦很主動交通、禱告，我當時都覺得他很年輕好難得，而且已經受左浸為主作見證、怎樣被主尋回、被主改變。真係無話可說，一切一切都是主的恩！係！返番黎先，永鴻弟兄除了同我交通一些家常便飯之外，還問了我一個問題，就是：「你係唔係覺得我好唔想同你交通比較深入一ｄ既事情？其實我都唔係架。(大慨係咁意思)」咁我回答，其實都唔係既，因為我沒有真正有機會同弟兄交通，佢都承認自己係一個被動的人，好啦！咁我下次就多多主動、唔客氣咁搵你交通啦。我知道主都願意我地弟兄之間都有更多更深的相交生活！哈！我又留意到家訊寫十二月其中一個主日的下午有個弟兄們交通聚會，雖然我唔知道具體的情況，但係我希望每一位弟兄都出席。主呀！求你！
今日的詩歌時間一氣過３首詩歌：
．５９８傳道的呼喊
．５９０夕陽西沈
．５９５為你，我今祈求
中心訊息都係傳福音，黑夜已深，白晝將近，讓我們將一些主預定得永生，而主放在我們身邊的人引到主的面前罷！
其實我希望我的家人一個一個都可以信主，我知道自己唔可以灰心、唔可以失去信心，因為一點信心，主就能成就。記得福音書記載，有幾個有信心的人將一個癱子從殿頂上吊下來到主耶穌的面前，主就因佢地幾個既信心叫癱子起來行走，這是令我感到主行這個神蹟實在有祂的美意在其中，是我不能測透的，但我深知道，主說，當信主耶穌，你和你一家必得救，我相信這個應許，先是我蒙恩，然後引家人來到主的面前，主就成就祂的大事在人的身上，叫瞎眼的人得開、瘸腿能行。我有一個小小的要求，希望你們都為我家人禱告罷，第一步，亦都係我唯一可以為主做的，希望主賜下柔軟的心，造就一個機會給他們，來聽福音。全然交託給主，因為惟有主能作人不能作的事。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
救主耶穌我一思念，心中滿有甜味，若是在天親見主面，必更香甜百倍。
惟主能使我心知足，主外別名無味，仁愛、生命、永遠喜樂，全在主耶穌內！
文章定位：
