星期五．因為星期四趕唔切去家禱，主讓我星期五可以補禱。好！呢個都係一個學習禱告＆操練的好機會。最後離開福音堂之前，我同偉文分別一同囉左一本小冊子，我地都覺得好適合，又可以分開慢慢睇。雖然本書仔細細，睇左幾頁，真係好受提醒，就係不可「離棄起初的愛心」，其實我從前都試過不只一次離棄了，只因這是「離棄」而不是「失去」，所以是可以重拾回來的。求主幫助，都維持＆保守各人「起初的愛心」。近排心裡時常回響一首時常唱的詩歌，「主．是我否？」這個極有可能是主向我們每一個人發出的警號！！！我都要時常醒察自己。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
星期六．是蒙恩的青聚，有主自己親自來充滿整個分享詩篇聚會，各肢體的分享，加上導師們的話，真是缺一不可，讓自己都好好學習，得益不少。之後同左天維同埋偉文，行左去西九龍辦一件事，另一方面，之前預定的粉聚就要延期了。在當時，我怪責了天維沒有通知齊各人，好對唔住，諗番自己都好唔岩，不過我知道弟兄都唔會放系心度，咁我仲會介懷咩？算啦，四個字「來日方長」．．．
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
星期日．主日，訊息聚會係分享書籍：禱告的聖徒。因為本書正如主席咁講真係唔係咁容易分享，但佢地最先都修正一個重點：禱告不能以自己的意思來控制／改變神手所作的工，乃是我們先要清楚神的心意並用禱告來配合神的手作工，神聽禱告，但未必按我們所求的回應，祂會按預定的時間和祂的旨意來回應我們。所以在會中大多都是屬靈生命比較年長的肢體分享。本書都好多新舊約的禱告之人，自己都睇到「撒母耳」，有一點都好受提醒，「撒母耳在少年時期就認識神。因此，他在成年時期也認識神。他在童年時期就已經認識神、順服神、向神禱告。因此，他在成年時期也認識神、順服神、向神禱告。」將呢段話多加上個「不」字黎睇，就有唔同意思。我們在童年時期就…，我們在成年時期就…，但如果在童年時期就「不」的話，恐怕在成年時期都好難一下子有所改變，呢個「因此」，就係一個因果。我們都要好好學習，靠主維持，讓我們都成為一個禱告之人。
呢個都係一個特別的主日，飯後我們約好回福音堂集體讀聖經，好似一個小組咁，林生話見我地系最尾圍埋一堆黎「研經」，就開左個少年室比我地，不過真係好寧靜，今次是第一次，真係估唔到主都為我們預備地方。開始由順達先為呢段讀經時間交托比主而禱告，然後每人開聲輪樓讀一節，箴言第一章。跟著就開始分享一下，順達提點我同偉文可以試用OIA的方法，呢三個英文字母我唔記得長寫係點串囉，因為我的英文好差。我記得大慨就係…1)先有咩睇見、2)再深入進深來查想、3)最後就係應用在日常生活上。我們都一同嘗試按著咁既模式而分享，我們三人都在分享裡面有所得著，當中更有一位不多分享的弟兄偉文也來供應聚會，這是個好開始呀！不足一個小時左右，最後大家一起禱告就散會。嘩～我都未試過咁樣架，覺得好有幫助，更可以多方面思想考察。我對於今次主的安排，實在是太好了，先係主感動一位弟兄的心而發起，而我們就同聲和應！好！期待下次…
海明弟兄：「你地可以集體讀經就好，不過亦可以試下改變一下，用一個辨論的方式。」嘩～我心裡立即和應，覺得呢個提議好極啦，但可惜我知道自己真係未到呢個地步。
文章定位：
