今次重點分享與肢體交通
回想在上星期四的家禱會後，與年長的淑珍姊妹一面離開桂生家、一面交通，我從她身上學習不少屬靈的功課，最大受提醒就係「豐盛的生命是須要年日、環境、被主對付、剝奪...」（看！脫胎換骨的保羅），每一個基督徒都不能一下子就去到好豐盛的生命，從前我想錯了，因我不斷地求一下子就去到好豐盛的生命，有時好希望做得好一d、做一個正常的基督徒，想一步登天，這是沒有可能的事，要自己在某一個階段就要達到某一個境地，誤以為是主的心意，錯晒啦！其實有好多target都係自己set出來，冇錯！主有祂的美意，但不是叫我一下子就立即達到！淑珍講返佢地初信既時候都係咁追求，當看到屬靈偉人的書籍，就好羨慕佢地凌晨四點可以起來靈修親近主，於是淑珍佢地決定買鐘、買燈，想當年要買呢d野都唔容易，好貴，咁最終都買左啦，跟住果d屬靈偉人咁做，都係徒勞無功，一方面唔明白原來d屬靈偉人養成七八點就訓的習慣，另一方面就是他們有豐盛的生命，是要年日、環境、被主對付、剝奪...這全都是主的工作！之後，淑珍再分享初信既時候，每一個基督徒一定有一些不正確的意念，想別人看到自己追求，這是為己為人，唔係單一專心為主，我心裡承認．淑珍話每個人唔多唔少都會有，不過隨著年日、主的工作，為自己一路減少、為主一步一步加添！所以這就是屬靈的模造！淑珍安慰我、鼓勵我，那天晚上我上了人生寶貴的一課．
主日聚會之後，有幾會和錦娟姊妹交通一下在新年期間的見證，在家人、親戚、工作等不同層面所遇到既困難，我地一傾既時候原來大家都有相同困難，特別是在接紅封包上，我地唔收唔派利是，相信大家都知道原因，但係能否切實地遵行就是另一回事，不過一年過一年，都有學習，我地都需要求主賜給我們有一個意志，係甘心揀選主的！雖然仇敵有時候會用人事物打誇我們，但是我地要好似林生在信息咁講，要有屬靈的分辯，知道來電是主、還是仇敵！
年初二，與一眾肢體行山，下回再分享～（因為我想將手機的相片整落黎，不過冇線！冇計！）先比彥俊提供的照片，呢張是弟兄們的硬照．好！
文章定位：
人氣(92) | 回應(0)| 推薦 (
0)| 收藏 (
0)|
轉寄
全站分類:
不分類
