有時候望翻轉頭，都幾幾地疑惑自己呢18年究竟做過D咩？
成日睇新聞睇報紙，見有人18歲已經系一個青年發明家，有人就成條命都貢獻咗俾呢個社會……
我又擔當緊一個咩角色呢？
爺爺系系我啱出世嘅時候過身嘅，有時覺得自己都幾黑，但系我嘅生日又四條八喔，我又覺得爸爸媽媽發達系因為我，好可能個meaning只系話我會系一個八婆，哈哈
唔知系未遺傳咗媽媽嘅籃球運動細胞，細細個就好中意打籃球，仲成日唸住快D高快D高，等我搶籃板都搶得威水D~結果現在越大就越想縮水，有人話現代人身型都偏高，我咁樣叫好身材，但系又有阿姨會疑問：咁高，嫁唔嫁得出去gar？
由讀幼稚園開始到小學畢業，我都會俾人蝦嘅。Er……都過咗咁耐，其實我都唔記得發生過D咩啦，剩記得讀中班嗰陣上臺表演過一次，戴住個紙皮粟米跳舞，現在睇翻D相覺得好好笑！小學嗰陣，同個變態佬坐咗幾年，日日俾佢“變態”，記得小三嗰年，佢突然之間俾張閃卡我睇，之後又收埋佢叫我揾喔，頂佢啊，我揾唔到佢就露下體話我知系嗰度！最後我終於忍唔住同阿媽哭訴，幾日之後我就無再同呢個變態佬接觸過啦……
要問我點樣擺脫咗俾人蝦嘅角色啊？小學畢業。嗰一日有個同學一腳踢咗系我塊面上面，雖然還差2mm先整到我，但系D沙飛曬埋嚟，我好型咁走咗入女廁先開始喊，喊咗一陣之後我就同自己講，以後都唔可以咁樣！結果上咗初中，極端到突然俾人傳到變咗七年級最串……
小學唔識咩人際關係，剩知道一入去見翻個舊同學就馬上覺得好興奮。初中開學無耐，個舊同學就好奇怪咁同我講：“文莉啊，你以前唔系咁gar，點解你現在變到咁癡線嘅？……”系咯，我都唔知我幾時變咗一個大笑姑婆。隨住時間嘅流逝，呢個舊同學現在已經成為我生命中嘅一部分。
慢慢就開始接觸到外界嘅人，印象中第一次識到嘅好朋友就系busy同東東，好慶倖，直到現在我哋都好好感情，呢幾年無論有咩誤會或者矛盾，我哋都仲可以keep住做好朋友，嗰份感動唔識得形容……約咗busy 29號吃飯，本來系好平常嘅事，但系其實我哋已經無講嘢兩個月啦，嘻嘻，點都好，好多謝你一直對我嘅照顧，無你，我可能又行多咗好多冤枉路啦~~仲有東東，你系一個大笨蛋來的，唔好成日做壞事啊，要錫住自己，一定要身體健康啊，我同busy都會擔心你gar……
之後遇到灝灝。
灝灝，我唔捨得你啊！上年生日，你發短訊同我講話好抱歉唔可以同我過，今年，你明明還系度都唔可以一齊過。我真系想送你機，真系想送你出門，唔知你會唔會系因為怕我仲難過所以唔俾我送，但系我都想see you everyday gar！成日同瑩講道理，想佢明白所謂嘅“現在的離開是為了將來更好的在一起”，如果我真系明，點解次次認為無事，認為習慣咗，但到最後嗰一刻都會忍唔住要喊？點解每次提起都可以好無所謂，但系見到你又忍唔住要喊？……唸翻啱先識你，你真系變咗好多，你已經系一個男人嚟gar lar，有背負起自己應有嘅責任，我一直都相信你系一個叻仔，珍惜佢啦，唔好去唸其他嘢啦。都唔好話我低B，唔系我自己想一邊寫嘢一邊喊嘅……
當我回答人哋問我拍過幾次拖呢個問題嘅時候，我答兩次，唔明白點解好多人都好出奇。系啊，我就系一個咁執著嘅人。雖然已經好挑剔，無奈兩段戀愛都得唔到好結果。或者系時間問題啦，點都好，人嘅一生入面遇到每一個人，好與壞，得與失，都系緣分嚟嘅，每個人帶俾自己嘅嘢都唔同，經歷過之後就當多一份經驗，都算系level up咗啦~~
Othersky可能系我呢18年嚟最值得驕傲嘅嘢，我中意你哋嘅每一位啊啊啊啊啊！PC系大傻瓜嚟嘅，我都18啦，你唔可以再蠢過我啦，乖~~叻到無得頂嘅Kuku，無咩評論，哈~~Othersky都有一個東東，本來個名就好聽啦，改咩呢，現在變咗靜雞雞咁喔~~會好有成就嘅業虹，女人啊，都系為愛而生存嘅動物~~雖然同大雄唔系成日接觸，但系感覺非常良好~~本來好理智嘅細細，引用你嗰句啊：默契者難求~~仲有成日懶系嘢嘅天子，督一波要唸半個鐘咁唔系路gar mar~~……我知還有好多人，Sorry現在我個腦一片混亂咩都唸唔到。
司蔚系第一個我主動去搭訕識嘅女仔。
嗰陣為咗某人搞到同你關係唔好，現在唸翻覺得自己真系太幼稚啦，好在現在同你仲系咁好，未知就好可能要好似慧慧咁令到我咁後悔……你真系一個好charming嘅女仔，我都成日俾你電親，但系你要記住某人講過一句嘢：“人越靚越容易迷失本性。”你唔可以成為嗰D個樣好心地壞嘅女仔啊，你唔系咁簡單嘅人，okey？
高中嘅同學叫我做leader，啊……究竟系我做咗副班長之後先有呢個花名，定系因為呢個花名先做到副班長呢？哈哈，唔知啊~~高中系一個好大嘅轉捩點，誓估唔到我都做到班長，亦估唔到我會有成績好嘅一日，我好中意高中嘅同學啊，我知道到咗高中，每個人嘅性格都已經穩定咗，人心之間可能會有猜疑，但應承我，唔好為咗咩搞到個班散咗，因為系唔值gar！
郵協會長呢個名都幾名不副實，如果唔系答應咗kuku，現在都唔知幾舒服，哈哈~~不過做咗一年，都識咗好多嘢嘅，以前經常系PC佢哋嘅帶領之下搞活動，做會長之後好多嘢都要自己去handle，寫計畫書啊，籌備資金同物資啊，講解活動詳情嗰D~~每次接到搞活動嘅安排，就會一直擔心到活動結束，怕唔受歡迎，怕冷場，怕人哋覺得無新意又或者低B，好彩每次最後反應都唔差，還試過出乎意料咁好添……我一個女人仔，都算系咁啦下話……
最多謝嘅人，我唔講你哋都會知邊個。
五年啦，我愛你我愛你我愛你我愛你我愛你………………………………………………無說話好講啦，寫你，你想我成晚唔訓咩？我真系會為咗你盡力gar，雖然你唔知道，但信我好唔好？人哋點唸我無所謂，I do not care！你系一個天生工作狂，保重身體啊，我唔想當再有一次偷偷望到你嘅機會時，見到嘅都系無血色嘅你，嗰一刻嘅心痛，我永遠唔會唔記得……多謝你啊，好多謝你，因為有你，我已經做到咗好多我自己都唔相信嘅事，I love you！
我十八歲啦，呢個唔系結束，而系真正嘅開始。
我會努力gar，各位。
現在嘅我，只想考到理想嘅大學，並且系我諾言入面嘅嗰種考到……
俾一年時間我，暫時忘記所有嘢。
我真系無唸過考唔到會點gar，衰咗無笑我啊，
只系，我就再無面目見你啦，卓妍。
文章定位：
