葡文學校實習旅程之 part two＠★大頭小其其★

2005-01-16 00:43:40| 人氣135| 回應1 | 上一篇 | 下一篇

葡文學校實習旅程之 part two

推薦 0 收藏 0 轉貼0 訂閱站台

星期二...沉悶的一天...估唔到四年班同三年班的學生會有咁大分別...話說成個朝早我地都係上四年A班的堂...嘩嘩嘩...佢地對我地三個完全無興趣...上堂個陣...我同一個小妹妹坐...佢竟然唔做功課...唉...而且我聊佢講野...佢可以完全無反應...（唔通我d葡文真係講得咁差???）再望下其他同學仔...嘩嘩嘩...個個都同同學仔傾計...嘈到死...後來小息之後...我咪轉位坐囉...今次我坐左去一個男仔隔離...佢又識講小小中文...哈哈哈...諗住實有好日子過啦...點知...後來發生左一段小插曲喎...唔知係咪我地傾計傾得大聲抑或先生醒目...個先生竟然知道我地傾計係用中文傾喎...噢噢噢...搞到佢俾先生話左兩句...之後...佢就...喊啦...唉...好慘呀佢...其實係我聊佢講中文先架...其實錯個個係我...我搞到佢俾先生鬧...真係好尷尬呀...好彩...佢最後都無嬲我咋...嚇死...唔記得講埋呢樣野添...我地今日開始學唱葡文國歌呀...因為葡國總統星期一黎參觀...哈哈哈...下午...我地竟然係要同十一年班（高中二年級）的同學一齊上生物堂...嘩嘩嘩...一聽到十一年班...嚇得腳仔都軟埋啦...仲要係上生物堂...大佬...呢家野都幾年無掂過啦...鬼記得咩???況且阿sir仲要用葡文講書...諗住死得...好彩...原來佢地今堂係做實驗...觀察花瓣...花萼...雄蕊同雌蕊個d囉...同我一組的兩個同學仔...係一男一女...男的係巴西人黎架...女的就識講中文（yeah "s"）...那個男仔...又高又大份...直頭似我阿哥啦...不過...原來佢細過我...唉...而個女仔呢...都幾白幾靚女下架...我覺得佢好似我以前的第一個補習生呀...哈哈哈...所以我對佢好有親切感呀...雖然下午要上三個鐘咁耐...但係我同個女仔成堂都係吹中文...所以d時間過得都幾快...

我要檢舉

台長：大頭其

您可能對以下文章有興趣

愛...總是有條件的...

笑話：各式聯婚

不禮貌

「最佳損友」通告

人氣(135) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(1)