葡文學校實習旅程之 part one＠★大頭小其其★

2005-01-14 22:18:06| 人氣150| 回應1 | 上一篇 | 下一篇

葡文學校實習旅程之 part one

推薦 0 收藏 0 轉貼0 訂閱站台

今日係去葡文學校（以下簡稱EPM）實習的最後一日...唉...雖然只係短短的一個禮拜...但係我真係好唔捨得班小朋友呀...

其實我一直都對呢間學校都好有興趣...但係又未入過去喎...哈哈哈...我諗可能自己以前由細到大都係讀中葡學校啦...對關於葡國或者葡文的事物都好有好感...講返點解會入到EPM實習先...其實都好搞笑架...話說我地今次的實習地點...係有三個...就係EPM...東方葡萄牙學會同埋旅遊局...不過我地班d人聽以前的師兄師姐話...去EPM實習唔係咁好...所以當我地的葡文老師「欽點」d同學仔去個度實習的時候...個個都耍手擰頭...慌死唔好咁...而我呢???梗係同佢地完全相反啦...我不知幾想去呀...好彩...最後我都可以去個度「玩」一個禮拜...哈哈哈...

記得星期一個陣...係我地第一日去到EPM...哈哈...朝早11點個陣...我地同三年A班的學生一齊上堂...當我地一入課室個陣...d同學仔都不知幾熱情呀...而且...佢地好踴躍咁答先生問題架...慌死答唔到會扣分咁...哈哈哈...下午...我地同六年B班的同學仔一齊上堂...開頭我地都唔知佢地係做緊咩...淨係知要分兩組...佢地分左組...搞到我地三個好似三個「隔離病人」咁...好彩...最後佢地好好人呀...叫我地入組...哈哈哈...我入個組...係要做穿珠仔...其實我係完全唔明點解上堂可以做穿珠仔咁搞笑...哈哈哈...後來我趁先生睇唔到...就問左一個識得講中文的學生啦...佢話穿d手鏈拿去賣...賣左得到的錢用黎捐俾南亞地區的災民喎...嘩...咁有意義...我唔識穿都要學穿啦...呢班有一個同我同一樣葡文名的女仔...哈哈哈...佢就係叫做Diana啦...就係佢教我穿珠仔架啦...（話哂同名三分親喎...）

我要檢舉

台長：大頭其

您可能對以下文章有興趣

愛情就像磨石子

我甚麼都不是...

愛情的標點符號

學生的面具

人氣(150) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(1)