「索Ｋ」飆車＠TG警告各位朋友﹐微笑有益身心。

2003-08-11 18:09:32| 人氣26| 回應0 | 上一篇 | 下一篇

「索Ｋ」飆車

推薦 0 收藏 0 轉貼0 訂閱站台

今日睇到一宗索K飆車o既新聞﹐原來時下青少年喜歡利用迷幻藥o既一種「Ｋ仔」去提升飆車時的刺激境界。青年買完「Ｋ仔」後，急不及待一邊駕車一邊「索Ｋ」。可能佢當時已經神志不清﹐所以以「S形」行車。最終被反飛車警員追截。

「索Ｋ」後駕車比醉酒駕車危險﹐因為酒醉都有三分醒。但吸毒係可以用神志不清o黎形容。試問一個唔清醒o既人﹐又點可以控制到部車呢﹖

呢宗新聞令我諗起尋晚放工時遇到o既一個部車﹐我本來跟住佢後面。我見佢部車係靠右行駛﹐有時更會踩線添。我諗跟住佢都幾危﹐所以未轉線過佢頭囉。因為我怕俾差人捉﹐所以通常夜晚都會開慢D。亦因為咁﹐所以我同個“右派”駕駛者平排o左十秒左右。響呢十秒裡面﹐我地經個一個彎位﹐而呢個“右派”駕駛者今次真係好右﹐右到過哂線。好彩o既係我反應快﹐踩brake就佢。當然﹐我無咁輕易放過佢啦﹐雖然已經夜深﹐但我亦不顧一切咁呠佢。因為過哂線實在太危險﹐而且佢直頭當o左條路係屬于佢咁。我通常呠人都係因為D人太過份﹐好似今日咁﹐我當時響左轉線上﹐有架Van硬駛入o黎。當時如果唔係我停俾佢﹐佢一定入唔到o黎。佢最過份o既係燈都唔打﹐老實講﹐如果佢客客氣氣打燈叫我讓佢﹐我一定讓。不過既然佢咁唔禮貌咁入線﹐我當然會俾足面o黎返個“長響”啦。呠o左佢五秒咁耐﹐呠到個大陸佬都開窗探頭望o下邊個呠得佢咁應。我o個下咁有節奏o既響安聲﹐簡直有如同佢講welcome to canada咁。當然順便傳送一D加拿大o既路面知識俾佢﹐教佢以後小心D開車。因為呢度唔係大陸﹐唔可以打橫行o架。

我要檢舉

台長： TG

人氣(26) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)

TG警告各位朋友﹐微笑有益身心。 改變不能接受的﹐ 接受不能改變的。 125愛的鼓勵 0訂閱站台

「索Ｋ」飆車

TG警告各位朋友﹐微笑有益身心。改變不能接受的﹐ 接受不能改變的。
125愛的鼓勵 0訂閱站台