小風波＠TG警告各位朋友﹐微笑有益身心。

2003-08-10 04:47:17| 人氣38| 回應0 | 上一篇 | 下一篇

小風波

推薦 0 收藏 0 轉貼0 訂閱站台

尋晚八月七日(係大雄o既生日﹐順便同大雄講聲生日快樂)九記發生o左件事﹐有個客人俾隻黑色o既蜜蜂針到。個客人同A師姐講﹐話驚個黑蜂有毒﹐A師姐就叫o左我過去﹐佢交o左隻蜜蜂俾我﹐問我有無毒。佢仲話蜜蜂針到o者﹐無事o既﹐點會有毒。雖然我唔肯定o個隻黑蜂有無毒﹐不過我聽過“皇蜂尾後針﹐蛇尾一彎﹐最毒婦人心。”因為我唔敢肯定﹐所以我再去搵個話得事o既人﹐而當晚經理又唔響度。所以就搵個經驗豐富o既B師姐處理件事﹐跟住我交返隻蜜蜂俾個客人。其實我知道如果我掉o左隻蜜蜂﹐對九記係少好多威脅。不過最後我都交返俾個客﹐等佢自己決定點處理隻蜜蜂。我交完之後﹐A師姐同我講“哎呀﹐應該掉鬼o左佢﹐費事煩。你知啦﹐萬一個客告我地﹐我地好唔掂。”或者我仲未做到“受人錢財﹐替人消災”﹐我寧願搵過第二份工﹐都唔想連自己都睇唔起自己。其實我想知道應該掉o左佢﹐不過o個一刻我o既良心話我知我唔可以咁做。其實之前A師姐同我講“周圍都有蜜蜂o架啦﹐佢飛入o黎餐室﹐我地都阻止唔到。唔係我地o既責任。”我覺得。。。人客到我地餐館食o野﹐我地應該俾個舒適同安全o既環境俾佢地。又或者其他唔係咁諗啦。或者咁講啦﹐我地無理由亂放D刀刀叉叉響D“登”度俾客人坐o架嘛。之後個客都問過隻黑蜂係無毒﹐咁我都安心D。因為我見到個細路女俾隻黑蜂針完﹐我真係好驚個女仔有事。因為我之前聽過黑蜂好毒﹐但自己又唔敢肯定﹐所以都唔敢講。不過都好啦﹐依家九記又無事﹐個細路囡都無事。之後我問A師姐駛唔駛同經理或者老闆講返﹐A師姐講﹐個客都唔追究﹐梗係唔駛啦。我算唔算太多事呢﹗﹖定係。。。鐘意拿屎上身﹖不過我始終覺得講聲好Do架喎。

我要檢舉

台長： TG

人氣(38) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)

TG警告各位朋友﹐微笑有益身心。 改變不能接受的﹐ 接受不能改變的。 125愛的鼓勵 0訂閱站台

小風波

TG警告各位朋友﹐微笑有益身心。改變不能接受的﹐ 接受不能改變的。
125愛的鼓勵 0訂閱站台