2007年8月16日（星期四）下雨天
是日節目︰返工、放工、遊海洋公園、旺角食飯、影貼紙相、返屋企。
鳴謝單位︰
---sms的祝賀---
‧Ryan Chan (IVE的舊同學) — 第一個send俾我的，雖然係早了一天。(佢應該唔會睇倒哩道的)
‧愛美 — 正日第一個send俾我，抵錫，但我唔要妳祝我身形大一個碼喎。
---旺角食飯+影貼紙相---
我諗一定有的︰婷婷、愛美、敏茵。
我無預計的有︰素新、樂仔、阿順。
好開心哩，因為應該係我第一次，有咁多人o係我生日一齊食餐飯（又係笑到唔停得口），飯後有禮物（仲係For sale in Japan only架），又有蛋糕，好好喎…(希望今餐唔會令大家太破費)
呀…忘記講聲︰對唔住，我遲到了，要大家等。仲有，多謝各位。
---記得我的生日---
‧Evan — 妳話諗住同我食餐飯架。
‧敬芷、翠瑜 — 妳o地好積極咁約我出街揀禮物，可惜未夾倒時間，一定有機會的。
‧Wendy, Nicole — 妳o地約我食飯。
‧Floris — 諗住約我正日晚食飯，我話︰「下次要約人食飯要早d呀！」，因為佢其實忘記了，係另一個同事提起佢。
‧Kathy, Edward, Ms. Poon, 等公司同事 — 因為你o地同我講︰「生日快樂！」
‧Kelly — 哩個就最懸疑喇，今晚7點打俾我，諗住約我食飯，但似乎不是因為我生日，似係巧合。
‧Tony — 在msn同我提過我就快生日。
無論怎樣，我一定會上心的，因為我唔習慣別人對我好，所以就算只有少少好，我已經好感動，只要有心，我會銘記的，所以好多謝各位有我心的朋友。
今日，4點收工，雖然天公不做美，但經敬芷的鼓勵下，我還是去了一趟海洋公園，仲玩o左旋轉木馬、參觀熊貓館(探望盈盈、樂樂、安安和佳佳，原來我同盈盈係同月同日生的)、搭吊車、參觀水母館、鯊魚館、海洋館，可惜，因為天雨，無得上摩天輪，算…搭吊車返去，原來一個人搭吊車會覺得驚wo。
之後，再搭171出旺角，在雅蘭中心6/F的常悅素食食生日飯，味道唔錯、環境唔錯、服務唔錯、地點唔錯、人氣都唔錯，講得核突少少，好在天父俾我今天終於有便便去，使我可以好暢快咁食，今朝真係滯到無食早餐架。
返到屋企，雙腳真係濕透了，仲同媽媽傾了幾句，又俾d禮物媽媽睇，而我姪女又未睡，都有同姪女傾幾句，唔錯唔錯。
農曆七月初六也是我的生日，而今年的這天是在主曆的8月18日(星期六)，由於這天我要返工(全日)，所以我預留o左哩晚返屋企同屋企人食飯，想約我就要麻煩各位就就喇！^_^
文章定位：
人氣(146) | 回應(1)| 推薦 (
0)| 收藏 (
0)|
轉寄
全站分類:
不分類
