Pic: One of the springs in Yosemite National Park
坦白來講, 我份人冇乜好, 前天後天既野都冇乜, 發展到今日既我(仲未俾人攞去賣, 可以上網打字), 有一樣我自己覺得幾重要既因素, 就係唔易放棄既心態.
嗱, 今次又係咁.
因為考試其間生活太唔似樣, 令到心境都唔係幾健康, 所以三月最後一日, 我就同成屋人去左Yosemite National Park, 一朝早四點起身(不過我兩點先訓@_@"), 出發! 係車上面認識到比我細幾個月既Sa, 佢係有公民身份既VIETNAMESE, 我一直對vietnamese冇乜好感, 但係Sa比我仲遲一個月來美國, 佢英文發音超好, 而且仲係我鍾意個type女仔, 份人勁爽, 同埋佢同我一樣細個個陣鍾意過何家勁(哈哈, 都幾白痴) 所以個trip就係咁既情況之下開始左...
我地每人帶一枝水同一d餅就開始上山. 我地沿途映左好多相, d景緊o係正啦~ 不過行山真係勁辛苦, 我地7個人, 阿Bod同阿Sa就行得最快, Ivy阿Jack就成日包尾, 我同Nicole係山腳仲學佢地扮情侶講笑, 上到去中途基本上我地已經冇晒力, 我以前後生個陣係中國既首都同細路同幾位表兄弟都hike過, (d家長睬我地都傻)不過因為我係唯一係女士, 都有d手拉下我, 同埋個時既我係中學PE堂度都有exercise下, 所以今次係美國第五個國家公園既hiking係辛苦勁多, 但係沿瀑布下游行上瀑布頭都係第一次!
又一次睇到, 有心行, 就得啦. Ivy同阿Jack都o係頂唔順, 行到瀑布中間都唔行埋上去, 仲濕晒, 所以之後就唔舒服! 其他人全部行到上去, 我地映相休息曬太陽玩左一陣食左d野之後就落山啦~ 我先前行(腳加埋手咁行)上去推動自己既念頭係: 辛苦上完去落去就好容易啦, 原來落山都唔易o架, 行到我同nicole katherine既腳都"陣"晒, 我pat pat 落地三次tim, 好彩我都頂得住, 可以行晒全程 (差d捱唔住呀~)....
講下阿Sa, 佢不愧係全team至細, 我未聽過佢話辛苦, 又全程見住佢笑, 回程我又同佢係車度講左好多野, 但真係辛苦o左阿Bod同阿John呢兩位司機啦~ 佢地想訓都唔得, 仲要好小心同專心開車, 嘩, d山路真係勁難開, 因為d路勁彎呀, 一二零公路上面有一段十足十打機可以見到個種路, 好似一百二十度大左彎緊接兩個四十幾度既普通彎...坐都坐到有d暈! 差d唔記得, 係車度我仲見到好多blue bonnets喎~ Cement媽話佢地係Texas好有地位, 估唔到係Cali都見到~!
深夜終於返到屋企, 但大家好似都仲好精神喎~~ 我第二朝要返學俾d野office, 好想訓陣, 不過周身開始痛, 講個秘密大家知, 最後除下除下我只係著underwear訓, 幫助relax, 訓左兩個小時就去學校, 佢地無端白事扣左我廿蚊(美金), 真係討厭! 咁我攪完d野諗著出來一次順便去check下bio同chem先生既office有冇post grade, 危險d既化學就冇, 而難d既生物竟然A左喎, 依家唯一唔知既化A唔A都算啦~
返屋企諗住再訓之前上陣網, 係d論壇上面見到"哀悼張國榮"幾隻字, 不過冇理, 後來睇新聞先知原來佢為情自殺死左, 先前我以為自己一早八點幾仲唔係幾清醒睇錯! 我細個同媽咪細路有一次聖誕去睇《霸王別姬》呢部戲, 感動之餘我覺得佢既京劇樣好靚, 加上我媽咪係我三歲曾經因為佢既一首歌想同我改個我好唔鍾意既英文名(比起Jessica仲難聽既), 我一直對leslie都幾留意, 一直都幾佩服佢既才華, 真實. 不可多得的人才.卻以自殺收場...
歌既話我好喜歡那首"追", 最頂唔順係首"左右手", 因為我細路有排係屋企成日聽, 我個排係屋企都著多件杉~~
活著需要勇氣
自殺也需要勇氣
對於他,自小的記憶到現在重新回憶,覺得惋惜, 咁多既不容易, 十幾年前紅之前好多人留難佢, 單親家庭長大既佢當紅時向某位我都幾鍾意既女演員求婚成功, 但係最後女方又改變主意, 之後就話佢同性戀, 不過佢好似唔係好理人地講乜, 而且我覺得佢做戲好好, 知佢自殺之後都有d唔知點咁...
我覺得佢冇必要放棄生命.
P.S. Yosemite's Chinese translaion: 優山美地
文章定位：
