三月會是個忙不過來的月份
最好的身心體力都全數注入
呼吸轉急脈搏加速千嬌百媚
又要再次嘗那類的興奮感覺
_________________________
０：００ａｍ 嘩啦嘩啦．．
剛回家必做的事是洗澡，洗澡時必做的又是什麼？唱歌，幻想，呆滯地站定．．．．
１２：３３ａｍ 躺臥於床鋪之中。
室友一個二個都唔返來訓, 一個去花天酒地，一個同教會既人去ｓｋｉ，一個同男朋友一齊唔知去邊，我就過完好緊張好精力旺盛既一日，與一個人冷颼颼既晚上相對，份外顯得有好大既對比。我ｓｅｔ完鬧鍾就去訓，甜蜜的安睡去。
４：４２ａｍ 手中既鬧鍾打破寧靜，好彩起到身！
又要用我十年經驗繰返來既“十分鍾出得門口”梳洗絕技，係五點零二分呢個唔太遲又唔早既時間返到學校，見到班同我ｂａｃｋｇｒｏｕｎｄ相似既學生已經係門口：「Ｊｅｓｓｉｃａ！妳可以咁精神既？」我上氣不接下氣地打理好番ｄ頭髮：「今晚既星星好閃呀，閃醒我嘛！不過今日天氣一定好好．．．咁就死啦，ｆｌｅａ ｍａｒｋｅｔ會好忙，又要辛苦ｄ。」
７：００ａｍ 呼～ 終於坐得底！
一個人坐在ｓｔａｆｆ ｐａｒｋｉｎｇ ｌｏｔ Ａ前的草叢上，會心一笑。無人理，無人吵，無人睇著，無野做既工，呵呵呵呵～ 坐係度，答下經過既車主ｄ問題，虎視眈眈著經過既白人ｂｂ仔，心想：「可愛的你將來會變成周街都見的一個超重量級肥佬！」跟住摸任我自己瘦削了腰，呆無表情但心中暢快。
１１：０２ａｍ 值勤中敏銳的耳朵聽到吵吵鬧鬧的人潮中有小提琴聲．．．
音好準！好好聽既ｍｅｌｏｄｙ！探頭望見某個“攤販”雙手動著的是一支弓，一把真實琴，可惜我正是要前去報到的啊！已經遲了．．．．．不怕，放工再睇佢乜來頭！
１１：５８ａｍ “Ｗｅ ｐｌａｙ ａｔ Ｗｅｄｄｉｎｇｓ！”
面對著一張有ｃｌａｒｉｎｅｔ，大提同小提琴手既ｐｏｓｔｅｒ，聽住首ｃａｎｏｎ，原來佢係想賣佢地個ｔｒｉｏ出既ｃｄ。有幾得意。
２：２０ｐｍ 好煩呀～
我覺得作文最難最難就係字數限制，中學英文期中期未考作文部份，經常都有字數限制，我多數時間就係浪費在刪減字數上面！我連考ｔｏｅｆｌ都好似寫多得濟，今時今日都仲要係呢方面上煩惱既我就係度趕緊把剛剛想什麼寫什麼地作好的一百七十幾個字刪減到一百個字，好煩呀！我好似句句都想要，好難決定要邊Ｄ，不過要快啦，Ｐｏｓｔ ｏｆｆｉｃｅ就放工，我仲要跑過去寄份ａｐｐｌｉｃａｔｉｏｎ。
３：０５ｐｍ 攪掂！回到家了！
突然心裡很不是味兒，看到您還在線上，很多猜測又要制止住自己，唔好亂諗唔好亂諗！不如打一些“心情文字”舒發一下其他情緒，可能會好點。就以忙碌為題材吧！這樣一來到五點要出去之前都不會覺寂寞了！
３：３７ｐｍ 叮噹！
「做乜連大學既信都放係門口呀！」一入來就ｈａｎｄ左好大封野俾我。我返來都見唔到有封咁既野，不過我估咪又係ｄ乜野ｉｎｆｏ ｐａｃｋａｇｅ。「打開來俾我睇下啦～」哦，咁我就打開睇下，好多張野，不過面嗰張就話ｃｏｎｇｒａｔｕｌａｔｉｏｎｓ，Ｋｉｔｔｙ就話：「哎呀！佢收左妳！」吓？三月一咋，好似話月中先知嘛，不過再睇睇：ｙｏｕ ａｒｅ ｓｅｌｅｃｔｅｄ ｆｏｒ ａｄｍｉｓｓｉｏｎ呢句，好似係又好似唔係，我話可能只係ｃｏｎｆｉｒｍ話佢地收到我既表格，不過再睇睇其他幾張野，講到留位之類，係喎，收左我喎。嗰時先興奮起來，點講都係第一次第一間收我既大學，又有人在場，目無既表情好似怪左ｄ。不過我又覺得咁先係開始，本身報完大學有好一陣子都唔使再諗既煩野又要開始出現，又要面對更進一步既問題，所以都冇乜太大既期待。Ｋｉｔｔｙ知我一個人，話來屋企問我物理，雖然只係答左兩條問題，但係我好開心，竟然可以係物理呢科有人問我野，唔嫌棄我比唔上嗰班男仔，而我又可以好辛苦咁答到，好似有ｄ成就感，呵呵～～睇來我都幾易ｓａｔｉｓｆｙ！
６：１５ｐｍ 《煙花三月》
在朋友屋企俾我見到一本咁既中文書，好厚，令我諗起我媽咪以前既床頭邊一定有兩三本個ｄ既類型既書，好懷念！作者係李碧華，我放底手中既小提琴，坐下來就開始睇書。書中內容係講一個慰安婦既故事，我記得係姓袁，係第一個行出來講野既中國慰安婦，最大賣點卻係袁既一段情。因為時勢關係分別三十八年，音訊全無，茫無頭緒交待作者為她找尋一生之中多位老公中唯一真正愛的那位的下落，當年，仲要係黑龍江定唔知邊度，日戰後共產黨在大陸剛開始打天下時，兩人為生活被迫分開，作者又勁，最後真係找到男方，不過已經係再婚，七十幾歲既伯伯同兩個婆婆都要面對既愛情，我覺得好有趣，一個有情一個有義，一先一後，三位聚首一堂，作者三位主角都訪問了，主人翁們的內心世界，我看到的共通點是，無奈。袁婆婆跟她朝思暮想的愛人的再一次相見，如果想清楚一些，只是意味著再一次的別離，可是老伯伯的心仍舊是袁的，第二位婆婆（姜婆婆）也很無奈呀，也可悲呀！但是老伯又不會掉下姜婆婆，但又．．．．唉，幾十歲既愛情，感情跟十幾歲的沒兩樣，有高層次了嗎？我不知道，因為我畢竟沒有把那本千頁書看完，我ｓｋｉｐ來看的，我在朋友家哦！朋友有跟我說過大概，我看書又看得快，作者後記讓我思考許久，最後三版都是一條又一條問題，我記得的如下：
有試過為一個不值得的人睡不著嗎？
有沒有一句最想聽到的說話但又最怕說出？
有擔心過被以為是最愛自己的人出賣嗎？
有認為異性戀，同性戀，師生戀，姐弟戀，忘年戀，不倫理不道得的戀愛，什至亂倫，都只不過是愛上了一個人了嗎？
有試過睡在自己身旁的是自己最恨的人嗎？
有愛一個人愛到恨他嗎？
有否試過對最愛自己的那人恨之入骨？
有認為暗戀是幸福的嗎？
有試過自己的某一天可以總結出自己的一生也只不過如此嗎？
有試過很想愛一個人，但試來試去都不可能，但不想愛的，又偏偏愛上了嗎？
有希望過每天醒過來可以見到的是所愛的人嗎？
．．．．．．
（猜猜最後一條是什麼？）
相信一生一世嗎？
Ｄａｍｎ！點解會係呢條～！＾％＊）（＊＾＃＿＠！
１０：０１ｐｍ 哈哈哈哈哈～
五個女仔係一齊：一個十九年從未有試過心動的感覺，一個有一個目標人物在身邊，但想來想去都不知為何無法成功要他愛上自己，另外兩個都有男朋友，不過都要係分隔兩地的，再加上我自己，大家出去用膳後覺得未夠侯，天上地下周圍身邊的ｔｏｐｉｃ全都想談到，咪關上門係度吹水囉！內容，嗯，不便公開！
１１：５８ａｍ 哦，時間過得咁快既！
正在電腦前讀出一段文字給身後的四名美女聽，突然看見右下角的時間，不慎又想起了您，我又過了一天了，您又正在做什麼呢？
＿＿＿＿＿＿＿＿＿＿＿＿＿＿＿＿
三月，是真正的春天，
春天，是真正的開始。
文章定位：
