加加的隨筆 一居美華人女子之台 難得還可以用中文來寫幾段文子.... 要珍惜機會和靈感, 不要放棄.

262愛的鼓勵 0訂閱站台

今晚有個朋友無端端send個icq message來話佢好憎自己個樣, 好想阿媽生得佢靚d...

好奇怪. 我覺得佢唔需要咁. 佢個樣冇乜問題, 而且我覺得靚唔靚呢d各花入各眼, 每個時代都會變. 佢重要話係想阿媽生得佢靚d...唉, 我阿媽生我出來個陣我真係幾靚架(我都好中肯), 大左唔靚有鬼用. 我寧願做醜小鴨好過.

最重要既係好多個樣唔靚既人生活得比靚既人開心....而且有錢或成功既人未必需要靚. 唔夠靚? 小既化妝, 大既咪去做一個手術(去KOREA做又平又安全)...當然天生就靚係好, 不過後天既保養同氣質就更重要. 有人好靚, 但係只得個樣, 言行舉止同師奶冇乜分別, 咁都係冇用. 好多我覺得好睇既人, 未必係先天個樣好好, 多數都係佢有一種更難表達既吸引力 (多數因為有氣質同睇上去好大方), 或者有d成日掛住笑容既人, 都會令我目不轉睛的.

有時我都好唔鐘意自己, 不過唔係個樣, 而係唔鐘意自己唔夠細心, 耐性同恆心. 我天生唔係好靚, 不過我覺得如果我可以放多d心機扮下, 應該仲可以有好大既"進步"空間. 有時扮得稍為斯斯文文去個party, 出show或interview, 都覺得比平時好好多, 不過要我日日咁我又覺煩 >.< 我真係好懶. 加上, 平時返工 (以前返學)我起身十分鐘就出門口(連埋pack lunch同backpack), 有多d時間情願係床上面碌多陣, 所以只夠洗面梳頭換杉涂面霜或者再戴埋耳環, 之後就要碌落街. 返學個陣可以遲到, 依家返工要準時既我, 日日真係"十分鐘"正由起身到出家門 -- 因為巴士係八點零八分, 我七點五十分起身, 八點出門口跑到車站, 多數都有兩三分鐘要等, 返到實驗室剛好無驚無險八點半. 巴士有時遲一兩分鐘, 就要落巴士跑上實驗室.

我成日話, 如果有日我可以日日用contact lens, 我就真係轉性放心機去個樣度啦. 雖然只需十分鍾我就可以戴到con, 但係戴眼鏡(加埋一訓醒我要"摸下周圍先知眼鏡放係邊"既時間)只要五秒鐘....有得比咪?

有一句好真既 -- 身形係好緊要, 而且身形大部份係自己"努力"可以換到的, 當然有d人容易d有d人難d. 你上craigslist或d大學campus newspaper或普通magazine d 求偶廣告度留意下(大型報紙個d廣告多數太細冇乜內容), 大部份人既最底線都係"no overweight". 我見到仲有d人講埋粗口去話俾人cheat左出來約個overweight既男/女 -- email時就俾張瘦個陣既相, 出到來肥左幾十磅. 真係令愈來愈鐘意食野既我一額汗.

係呢d 廣告度, 有時你會見到"single mum/dad welcome, any race/culture/age welcome", 不過我未見過"overweight welcome". 我覺得現今社會最被人岐視既就係你overweight, 不過最冇法律保障既亦係呢樣. 因為你好難去證明你告個位人兄係岐視緊你既身形, 而且我所睇到既個案好似敗訴既多 (例如美國有位casino staff話佢被炒既真正原因係佢肥左好多, 不過間casino話佢被炒既因為佢冇一個server既manner...唔server得人...)

我唔靚唔會怪天生. 我肥既話我就只可以怪自己 -_-....嗚~~