LoVe 發覺到了嗎？ 布甸日記~咩都寫=^.^=

18愛的鼓勵 0訂閱站台

唔經唔覺今年既新年假期話咁快就放完lu....聽日就要番工啦...有D唔願番工既感覺年三日個晚同魚魚行荃灣花市..無咩野行,但己經勁多人...好彩無去維園乍...唔係就迫到唔洗行...大年初一無去拜年,因為習慣左初二先會去拜年,所以初一個晚就同左魚魚出旺角打邊爐..食到勁飽...估唔到個醉雞湯底係比半隻雞..凈食雞都飽啦年初二訓醒就落左元朗拎兩大盆盆菜出去拜年...好彩大哥車我地出去乍...唔係抽一盆都幾重...都唔明點解年年新年,D親戚都咁鐘意叫我地訂盆菜...佢地就話一年食一次無所謂姐...我地一年都唔止食一次啦...食都食到怕第一站去左大舅屋企拜年先,表哥個女勁得意呀...飲完佢地餐滿月酒無幾耐姐,個BB可以變得咁快???D手腳粗到呢...邊似4個月大呀??大哥都話抱一陣己經手軟最衰未買相機啦,唔係可以同佢影相...第二站就去左大表姐屋企拜年...大姨丈見無聊,叫我地同佢玩13張,5蚊一注,3注都輸晒就15蚊...好彩我最尾都Win左10蚊...讓左比表哥玩...連食左兩餐盆菜,救命!!年初三個日同左IVE 班 Friends 去小纜BBQ...88蚊無限時間任燒包1支水同1支汽水,其實真係可以食足三餐,不過我地都係燒左4,5個鐘就走lu....因為今年犯太歲,初五個日同大哥,呀媽去左雲泉仙館拜神+食素....其實都唔知有無用...不過又費事掃媽子興啦

唔經唔覺己經同魚魚一齊左三個月lu...係E段日子都好開心,幸福,不知不覺忘記左寂寞既感覺...雖然都有D唔開心,喊過...但當諗清楚就無事lu....唔知佢係點諗呢??我無問過佢架...不過佢個Blog都無Update好耐....有時覺得我好似做左佢05年既角色咁...成日留意對方個Blog有無Update到..雖然都估到無多過有...但都會禁離睇下...唔通真係要靠Blog先可以令大家了解多D??買唔到演唱會門票...其實有D失望...個日唔知點過好呢??話晒都係第一次同男朋友過情人節,仲要係佢既生日...我驚會悶親佢..