LoVe 發覺到了嗎？ 布甸日記~咩都寫=^.^=

18愛的鼓勵 0訂閱站台

魚魚送比我既聖誕禮物^^

 

 

唔經唔覺又過左一年啦...今日係2009年既開始...時間過得真係快...咁快就過左一年...回顧2008年...其實係E度都打晒..雖然我係比較懶..哈!!睇番07年既聖誕節同除夕倒數...都係無咩特別...平安夜同黃美鈴無聊倒數,除夕就一早訓左...哈!!今年就好幸運地識到魚魚....第一次有男朋友陪我過聖誕節同除夕...真係好開心!!我仲織左條頸巾比佢做聖誕禮物...五年無織過..總算唔錯...比魚魚讚我織得beautiful...仲叫我下次織件冷衫比佢...唔係瓜..難度高左D喎..哈!!而我就第一次收到聖誕禮物..魚魚親手整左張心意卡比我...雖然佢成日以為我實會覺得好罕..但都感受到佢既心意..多謝佢^^講番08年既平安夜,去左豬肉屋企打邊爐,魚魚都有去Tim...玩得幾開心..玩到成四點幾我地就番屋企訓...25號個日我地去左會展既美食展...仲去左皇后象廣場行左陣..影左D相..26號個日就同IVE 班friends過..去左莫同學屋企玩..我地玩辣辣壽司,開口中同Will...玩得好開心..除夕個日大陸D貨好早就番到..陳生話放一點,佢同司機一食完飯就趕番屋企打麻雀..而我就因為要等魚魚放工..又唔想係街度行...咪同呀蘭留係公司咯..上網,訓覺,煲劇..咁就捱到五點,搭車出去九龍灣等魚魚放工...仲去左運動家買對波鞋比大哥,,終於買比佢啦..費事又比佢話我拖左佢咁耐..之後同魚魚番左佢屋企...第一次上佢屋企..好緊張...哈!!好彩佢呀爸呀媽都無咩野..除夕晚我地出左尖咀倒數..九點幾行到去鐘樓個邊...多人到爆!!決定坐低等倒數..好彩有部NDS係度..仲有D歌星唱歌...不過我地都係睇projector乍...第一次係尖咀倒數..都幾好氣氛..國金D煙火都唔算差..散場永遠係有排等...所以我搭唔到尾班車260X...去左魚魚屋企訓...今日訓醒就同佢落左旺角買西裝..仲去睇左大搜查之女tim...新既一年,希望身體健康!!事業有成!!同魚魚一路咁Sweet落去!!開開心心咁過2009年^^Yeah!!!