LoVe 發覺到了嗎？ 布甸日記~咩都寫=^.^=

18愛的鼓勵 0訂閱站台

年年生日都有利是收...今年當然唔會例外啦...五佰個封係大哥比既~~一佰個封係媽子比既~~個銀包係上年既生日禮物~仲係Keep得幾好^.^

今年既生日禮物....要多謝豬肉,Janice,鳳爪,李素薇同黃美鈴...LCD 芒~~~終於換左個大舊芒啦~~~多謝晒^^

我部電話淨係影左E張相乍~哈!仲未問黃美鈴拎番D相


今年既生日好開心呀....多麼慶幸有E班朋友陪我過每年既生日....多謝晒!!!
07/09/2007:今日放左工幫大哥去People開番張卡...佢竟然又跌電話啦~~所以佢依家用我之前部Samsung E608...開完張卡之後等埋Janice放工~同佢番左我屋企放低個芒先...好開心呀...E份禮物最實用...之後我地就同埋鳳爪一齊搭輕鐵出蝴蝶灣BBQ...黃美鈴就負責霸爐...我地買完野之後李素薇同豬肉都過到離~~~咁就一齊去燒烤場....好耐無離...覺得Clean左好多...環境都唔錯...我地全女班都可以透到個爐~叻女...哈!!!最尾燒唔晒D野食比左個邊執垃圾D呀婆....搭尾班車輕鐵番屋企...

09/09/2007:今日起身食左D野之後就出去做Gym啦....又上左堂喻咖啦~笑爆咀~個呀伯教!!!唔係瓜...佢D面部表情動作攪到我同黃美鈴都忍唔住笑...救命...之後做完番左屋企放低D野就搭車出旺角...約左Shan,小儀,Wilky,呀K,Ken,Deo食飯...係補番上個月Deo生日...填補佢趣弱的心靈~哈~點解個莫XX又離架...至憎E條無聊人...講野廢到爆!!!我地去左間日本野食飯...問題係無壽司既日本料理...又貴又唔好食..哈!!!

11/09/2007:又大一歲啦...一年咁快過既...生日願望仲未實現到...到底幾時先會實現呢???工作中渡過既生日...好彩都唔算多野做姐...收到好多個SMS既祝福...多謝晒...大哥個傻豬~~真係救命呀!!!放工同媽子去左元朗雞地間麻布一番食壽司~~間舖細左好多呀...D野食都仲係咁大件夾抵食...媽子竟然叫我埋單~~生日都要比錢~算啦~睇住利是錢份上~哈!!大哥好攪笑咯~生智慧牙上面生~係上面谷落離~上次佢下面生又係攪到要開刀...所以佢餐飯話下次補數喎...聽住先啦....

15/09/2007:今日放工約左呀Shan係旺角等....我地行街...收穫都算唔錯呢...係旺角電腦中心買左張1G Micrp SD卡~我張128都唔夠我用~~98蚊乍~~超抵~~之後我地行花園街~買左件中袖外套59蚊~Wilky出埋離行多陣,,,但呀Shan 比人偷左部電話...旺角好危險呢...之後小儀同Deo己經係家樂間台灣野搵到位啦...我地過到去都幾多人等位~今次主角到我啦~~哈哈...多謝晒...我地食完野之後去睇左陣電話~之後轉移去M記度吹水~~~傾到十一點幾走人...好累呢....

P.S.機會係咪真係咁易有呢??曾經我比左好多機會你...但你無珍惜..現在叫我點再比機會你???感覺己經唔同~現在先離後悔己經太遲...就算係基本既朋友我都唔想...或者兩次既傷害令我睇化E個人....