比狗咬＠傻氣的蜜糖熊｜PChome Online 個人新聞台

2006-06-19 17:28:27| 人氣70| 回應0 | 上一篇 | 下一篇

比狗咬

推薦 0 收藏 0 轉貼0 訂閱站台

上星期Karen話佢俾狗咬，真係俾佢嚇一跳，事緣係佢去地盤見完工後，臨走果時見到有隻狗被綁在樓梯附近，條繩又好長，佢已經儘量靠牆行，點知隻狗忽然撲向佢，向佢右腳咬左一下，之後隻狗即刻彈走...好在隻狗唔係好太力，傷得亦唔係好深。

果度係地盤，加上係夜晚，雖然佢叫左一聲，但都好似無人咁，佢唯有自行負傷前往最近的車站，通知服務員，服務員幫佢報警和call白車。

醫生話好彩佢條褲夠厚，只係皮外傷，仲話星期一會有人捉狗...好在佢無咩事，唔知隻狗會唔會人道毀滅呢？

識我既朋友都知，我好驚狗，真係好驚，試過一次，係鄉下見到有幾隻狗，已經心中不妙，點知其中一隻狗望一望我，跟住起身行近我身邊，果時嚇到我幾驚呀，又唔敢正視望佢一眼，只係跟住媽媽和親戚後面，已經感覺到隻狗貼住我，但又唔敢轉頭望佢喎，跟住我ffeel到腳跟踢到佢個下巴或鼻，已經忍唔住大叫左出黎，親戚至幫我趕走隻狗...

又有一次返屋企之際，前面有一隻大狗欄路，我驚到想轉頭走，寧願唔返屋企住，都唔敢行過去，果次俾T.T.拉住我猛叫我唔駛驚，大佬呀，我夠想唔驚啦，只不過由心震出黎，行到隻狗附近，雙腳越來越重，全身無力...仲俾T.T.鬧我做咩企响度唔行tim，睇怕佢都唔會明白我當時既心情，若果隻狗行近，我暈喺度都似...。

我都唔明點解我會咁驚狗，唔通我真係太細胆？

我要檢舉

#狗

台長： * J.T. *

人氣(70) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)