阿根廷 vs 塞黑＠傻氣的蜜糖熊｜PChome Online 個人新聞台

2006-06-17 12:46:59| 人氣64| 回應0 | 上一篇 | 下一篇

阿根廷 vs 塞黑

推薦 0 收藏 0 轉貼0 訂閱站台

星期五晚阿根廷 vs 塞黑，咁啱聽日又唔駛返工，本來諗住去酒吧睇，但消費都唔低，加上今次只係分組賽啫，如果阿根廷打入決定，仲要係對巴西既話，我一定會book定位落酒吧睇囉，相信一定好精彩！

所以我就去左奧海城霸位，睇現場直播大電視，雖然坐得唔算好前，但總算搵到位，亦都好開心可以同T.T.一齊睇佢支持既阿根廷，對於初哥既我黎講，仲以為係我陪佢睇啦，之後我至發覺，原來係佢陪緊我～～～ ^^*

講番呢場波，真係好精彩呀，阿根廷勁呀！一開始即攻，好快就入到波，話咁快上半場輕易3：０領先。我仲估會4：2完，而T.T.估5：0完；下半場，塞黑好明顯冇晒士氣，仲要打少個，阿根廷又越戰越勇，係咁嗟波，塞黑就好似捱打咁，攻唔到又守唔到，最後阿根廷6：0大熱勝出，真係強呀，真係估佢唔到！阿根廷球球都入得靚，又傳得靚，最重要既係，全隊人都好有默契！

本來我睇好巴西，但睇完阿根廷之後，真係好熱切期待睇巴西vs阿根廷呀！
好想睇呀！

我要檢舉

#阿根廷

台長： * J.T. *

人氣(64) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)