直銷＠傻氣的蜜糖熊｜PChome Online 個人新聞台

2006-04-07 00:00:24| 人氣50| 回應0 | 上一篇 | 下一篇

直銷

推薦 0 收藏 0 轉貼0 訂閱站台

之前我話有個朋友叫我做直銷當兼職，我都推左佢，點知星期一夜晚十一點幾佢打俾我，我當佢係朋友，所以我毫無介心咁接左個電話，起初佢問我既近況，又講吓佢份工，傾左一陣，佢就入提啦，佢話：
「上次叫你去聽直銷講座，不過你話無興趣推左，其實呢個直銷唔會有ｄ呃人既手段，依家又啱啱發展中國巿場，長遠黎講，真係可以賺到錢，我唔想到我發左達之後至同你講呢份part-tine係得嫁，所以依家一開始就同你講…」
「…」
「我有ｄ朋友都係抱住去聽既心態去講座，聽完後佢都覺得呢個flow好完善而入左會，最後連佢男友都入埋tim，所想而知，呢間公司既運作有幾好…我亦好欣賞你好錫你屋企人，份人又勤力…（下刪幾百字）不如就今個星期四晚，約你上去聽吓個講座啦。」
「今個星期我唔得閒，老實講，我真係無興趣亦無動力去聽，我都係唔去啦。」
「我唔係迫你，若你今個禮拜唔得閒，咁就下星期四啦～」
「…」

睇在大家友誼份上，我諗上去聽吓都無妨卦，我亦預左到時會有專業人士大講佢自己既親身經歷，家姐話如果唔打算入會既話，話唔好去，朋友聽到後，都反問我「覺唔覺得煩？」「佢當唔當你係朋友？」呢刻，我都認為佢朋友，咁我相信佢的確認為係好既至介紹俾我，只係我真係無興趣。

Karen知道後，仲主動話下星期四陪我上去tim，真係好感動呀，佢話會帶我走，唔俾其他人影響我。

同朋友傾過後，大家都話我有心既話唔好去…所以我決定要打電話俾佢推，但又唔想講得太掘，唔想以後見面時面左左，但又好驚佢咬住我唔放…好煩啊！

我明白你既好意和善意，但當我係朋友既話，亦請尊重我既決定及意願。

我要檢舉

台長： * J.T. *

人氣(50) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)