春天的旅遊，剛剛轉到新班裡便有這個集體旅行的機會，也許連上天都想讓我和其他同學快些熟悉起來吧!
今次只有2班的同學去，而我自己亦不知道轉入1班還是2班...@.@ 結果還是照樣跟著2班同學齊齊去東湖中心的一個小島---落雁島。(落難島^^)
原先下午要上的專業課亦因此改在早上第一節上課。天呀! 很久也沒有試過七點鐘起床刷牙了...(題外話: 發覺唔知點解升左大學後反而變得更懶，以前一星期上足六日課，由早上八點到下午四點半，但完全都唔覺得太辛苦，反而現在一有課要上的日子便覺得生不如死，上三節課就好像上足成日的...也許以前有同學朋友的相伴，即使遇到甚麼困難挫折也迎刃而解。)
上完課便隨之出發，起初我真的想找個藉口然後拂抽而去，眼見無一男女生是我認識的，雖然每逢專業課我都跟他們一起聽課，真的可以說成「九唔搭八」，結果我只好一直做住「木頭人」吧! 隨後發覺在我旁邊有兩個頗為陌生的人，交談過後才知道他們是從九江(甚麼地方來的...^^”)搭三小時火車來到武漢遊覽遊覽，一個山東人和一個廣東人。廣東人呀! 我當然第一時間問下他曉唔曉講偉大的粵語吧! 可是他自稱來自汕頭，當地語言是潮州話，但他因為看得多香港電視節目，所以懂得聽廣東話，(厲害! 我在這裡已經發掘左有幾個人都係睇電視學粵語的)得知他是潮州人，我就用我謹為懂得說的「Ga Ki Noun」來打聲招呼，誰知佢一聽就問我乜你都睇過亞視個套「我來自潮州」咩? =.=
隨後坐船前往那個孤島期間，又從一個同學口中得知我班又有個廣東人(其實一開學個時我都聽過下，只不過可能因為已經見得太多「廣東人」只說著一口流利的普通話而感到絕望，所以一直都冇主動發掘這個同胞(口吻開始被國內感染了@.@))但今次那位同學說我班這個廣東人一直尋求著講粵語的時機! hehe~~總算找到知音人了~~我便在燒烤時同佢爆左幾句廣東話咁~~(真的感動><) 得知佢係廣州人，以前去過河南讀書，所以佢d普通話又...唉，高我一截。
之後在這個島上都玩了不少遊戲活動---踩吊橋、踩鋼線、鬥牛、空中滑翔、彈力蹦跳(個名唔多記得)、划木筏等等。該我略為介紹一下吧。
1. 踩吊橋&踩鋼線：望落去人地玩個時就真係唔明佢地做乜走得咁鬼慢，睇落去好易之嘛，點鬼知自己踩落去先知咩一回事，慢慢咁走死得仲快，條線係咁上下左右搖擺，前後又有人行緊，震得仲厲害，結果在踩鋼線個part不慎失足成半天吊...= = 唉，搞到要用番臂力扯自己上去，繼續艱苦旅程。
2. 鬥牛：由於時間的關係，所以冇玩過，但真係幾過癮，睇住d人騎上隻機動牛後，不過一分鐘就俾佢”fing”番落地下，笑到爆肚。
3. 空中滑翔：上左一個樓高三層的瞭望台後，吊住兩邊滑輪，然後好似俾人推出去跳樓咁橫誇東湖滑過對面，一個字爽呀! 不過起初真係唔敢滑出去...
4. 彈力蹦跳：俾同學老屈而玩的遊戲，類似觀光塔那個彈弓跳吧! 一野彈你上半空，然後係空中彈下彈下，上到最高點落番黎個時真係玩緊跳樓機咁，離心力完全出晒黎，個心就快跳埋出黎，初時又唔知離心力原來有咁勁，冇做好心理準備，搞到死都死得快d...
5. 划木筏：最後一個活動，亦是最激ge一個。我班約10人分兩隊企筏出湖，一人楂住碌竹係咁”橙”湖底d泥出進，及後我地自己打自己友，攞住碌竹淺起水花潑人，可能因為玩得太激，個個走埋同一邊大戰，結果個木筏傾埋一邊，搞到d水係咁入晒黎，成對鞋即時變做水鞋，尾後玩到成身濕晒先坐船回程。
後感：年青人真是要靠玩樂來增進感情吧! 雖然也不是與同班同學對話很多，但通過今次旅遊感情度應該有所增加吧! 遲些又到1班搞春遊，到時都唔知去唔去好...= = 今日玩到雙腳超累了，筋疲力盡...CCTV呀~~! 一直都冇去睇過，我又要睇電視學普通話!
文章定位：
