考完試的第二天，我房一行三人決定走出校外走一走，於是便乘坐2個大元的公交去到國家五大核心植物園之一的武漢植物園。
一下車，便有一個中年婦人走近我們身邊，問：「你們是不是要到植物園呢?」我們當然回答是啦! (都係用番口語講算...= =) 跟住佢就話有條後路都可以入到去，你地只需每人俾5蚊雞就ok!(原入場費為20元) 咁我地相討一下就決定左睇下佢有乜野搞^^。
圍住植物園外牆走的期間，我其中一個室友好好奇咁問個阿姨點解可以咁樣做? 乜唔怕俾d人捉咩? 個阿姨就好淡定咁答番唔怕，佢地已經收買左入面其中一d人了 @_@ 仲有佣收咁話...
走左大約五分鐘，個阿姨叫我地等等，而佢自己就走去一間屋入面，見佢出番黎個時擔住條梯，拍埋堵牆度，仲自己爬埋上去，我地就係度諗：「哇! 佢係度做乜鬼...唔係要我地學佢咁爬埋上去下wa...」見佢爬到2米高的牆後，向園內方向示左一下意，就揮手叫我地一個一個爬上去，oh my god~~!! 真係要擒牆過去!? 唉!死咪死lor! 室友一號率先爬到上去，個阿姨就叫住一人俾左5蚊先...~_~ 我就壓到最後，爬到上去，第一眼就望到園內有個掃地阿姨望實我地(被收買人)，再望吓下面，唔係嘛，腳踏都唔見有...下面室友們就叫我踩住牆個凹位，然後一野跳落黎，哇! 大佬，第一次做偷渡客ja我，話踩就踩到咩，個阿姨就捉住我隻手，叫我
點點點做...唉!幾經辛苦終於俾我踩到個凹位，然後就一野著地成功~~
之後我地急忙地從樹叢中走到行人徑，園內的掃地阿姨就問我地俾左幾多錢，我地覺得奇怪咁答左佢(後尾我地先想到佢可能睇下有冇俾出面個d人騙左，即打虎頭呀)，然後就大搖大擺咁慢慢融入這個被樹木包圍的環境了。
那個植物園真的非常大，起碼有三個松山咁大，唉!可惜我部相又唔記得叉電，靠住上次生日會影淨個d電維持住，結果只能涯到頭三分之一的行程就告終冇電(連鏡頭都唔夠電縮番入去呀!! ><)。由於時間、體力的關係，我想我們應該走左整個公園的三分之一就回去了(用時二個半鐘)，期間看到各式各樣的植物(珍稀植物都有)，在另一角度欣賞東湖美景(最衰相機冇電影唔到，靚到我地都大叫左幾聲出黎!)。到走到大門個時我地又係度諗會唔會俾門口個管理員發覺有三條友「有出冇入」，幸好我最後都平安返到黎宿舍更新新聞台^_^。
ps. 相簿更新了。
文章定位：
