從拱北遠道而來的愛心包裹，終於在兩個星期後來到武漢。 (以下純屬”遊記”部份)
首先! 我要用十三分鐘的時間走去自己的學院拿郵件通知單，之後就再用十三分鐘的時間走去破破爛爛的郵局準備拿包裹，誰知當我俾左通知單和回鄉證佢睇時，條友露出一個古怪的表情，說道：「單上的名字好像不是你本人哦! 你自己看一下。」oh~shit ! 收件人個度原來只係寫左一個姓，冇我個名...= = 跟住我咪問佢點lor，佢就點左我去保衛部(行程六分鐘)，話叫個度d人証明一下呢張通知單係我ge...我邊行邊諗去到個度究竟要點鬼樣証明呢張野係我? 唉!走到去先算! 去到之後，佢地d人亦冇乜問長問短就係我張單寫上「此單屬實」和蓋個印，之後我咪又返番去，點鬼知去到之後唔見左原先個人，咁我咪俾第二個睇lor，又點鬼知佢話蓋左個印都冇用，只寫了四個字能証明甚麼？仲反問番我做咩去蓋那個保衛部ge印，應該要走去自己ge學院核實身份，寫埋証明。damn damn damn!! 好! 我忍你! 話晒都係自己問題，於是我又起程出發去自己個學院，前後來回又用左差不多成半個鐘有多，返到去諗住實得米la! 去到後又俾我見番第一次那條友，而我就滿懷信心連通知單+証明一齊彈俾佢睇，佢睇兩睇又係度講：「好像寫得還未夠清楚，這個証明還未可以...」Shit! 我未等佢講完已經忍無可忍! 真係火都黎埋! 我咪大大聲咁話番佢要點寫先得!? 咁都仲未夠!? 唔好得寸進尺喎! (呢句心想je) 真係對d咁ge廢人唔惡d都唔得! (先前我已經好聲好氣咁聽晒你話，又去東又去西，竟然仲夠膽係我面前玩野!?) 之後佢亦冇聲出，走入倉庫搵番我件包裹。
就係咁樣終於可以同我ge包裹一齊慢慢步行十三分鐘回家...紫菜+禦寒衣物+出前一丁+洗衣袋重於可以重見天日。
文章定位：
