唉!迷惘的日子暫時先閣置吧! 況且現在我應該可以停左那些專業課，不管它了。以前經常聽爸爸說道我已經被偉大的母親寵壞了，自己甚麼也不會做，但又的確無錯，自小到大也沒有做過甚麼家務(作文時又唔同講法喇~~^_^)，很多事情都是由媽媽一手搞掂，件衫污糟左? 放落浴室等人洗la；好肚餓了，食得飯未呀? 唔夠底衫著呀，仲未收衫咩? 現在呢，件衫污糟左? 死! 用咩去整番乾淨佢r? 肚餓喇，自己著鞋走出去飯堂搵野食la! 唔夠衫著? 原來件衫一直「浪」住未收番...原來日常生活中實在有很多細微的事情要做，唔記得做? 用到時就會記得；懶得去做? 用到時就會後悔。我依家慶幸暑假個時都叫做做個一點點家務---「浪」衫和洗碗。現在浪起衫上黎都覺得順手左，洗起餐盒時都洗快左，可惜仍然有太多事情還未做得好。
好似摺衫咁，摺來摺去都係成舊衫咁，嬲起上黎照塞落衣櫃度，但發覺得塞多兩塞個衣櫃就俾我塞爆左...(無奈 = =)結果都係逼住我慢慢咁樣一件一件摺番靚佢。仲有仲有! 估唔到冇做開掃地、拖地ge我，做起上來都份外「專業」，哈哈~~無他的，因為我平時已經看慣看熟媽媽掃地、拖地的手勢了~~真係凡事要自己做過先明白箇中原因，點解拖地前一定要掃地先呢? 因為要先掃走晒d灰塵垃圾，拖起地先會拖得乾淨，(就係因為第一次我掃唔乾淨，搞到我一路拖一路整濕晒d塵、毛毛，越拖越污糟。) 點解次次見媽媽拖地時都要擦一擦我地對拖鞋鞋底? 因為唔擦乾淨鞋底的話，就會一路拖地一路踩污糟番自己的心血…
生活中實在仲有太多事情要注意了，在此不便詳談，不過我同房就有一個人唔多做家務lor! 掃地、拖地、洗廁所、放d衫落洗衣機等等大多數都係由我同另一個室友做晒(都要感謝上天，起碼仲有一個人肯同我一齊做…)。至於洗廁所嘛，我唔想做都唔得，一個星期唔刷下佢就會有陣「香氣」散發出黎，真係樣樣事情都逼住你去做，唔輪到你懶得唔去做!
文章定位：
