踏入暑假，艾斯特深受暗瘡問題困擾，甚至寢食不安，憂心忡忡...
右︰嗚嗚...點解會咁o架?!!明明放緊假啦，o的暗瘡竟然仲多過返學o個時...仲要俾人話我殘o左好多...
左︰係唔係因為你2個月未”M”到，所以一直谷瘡谷到而家呀?你都好睇o下醫生啦...你o的內分泌一定好失調...
右︰可能啦...我唔想到開學都係咁呀!我可以點做呀? >_<
左︰嗯...好簡單...有暗瘡就乜都唔做得!!
右︰o下?!你講乜?
左︰總之就乜都唔好做啦!塊面有暗瘡就等於皮膚受傷，o的暗瘡就等於傷口。你平時o的皮膚如果受傷，你都唔會亂搞佢啦!!所以，你一定乜都唔做得，等塊面好好休息...
右︰噢...咁敷mask都唔得?
左︰嘩...你千祈唔好呀!敷mask 分分鐘會刺激到你o的皮膚，可能生得仲勁呀! 如果係細菌性感染而生暗瘡，更加唔敷得!因為mask入面含有o既養份反而會幫助o個o的細菌生長...你o既暗瘡只會愈來愈多...
右︰咁都好驚喎!點樣先知道自己係咪細菌感染呀? 因為我以前間中生o下暗瘡咋...但呢個暑假係咁生...生到一面都係啦....>_<
左︰咁你好有可能係細菌感染啦!細菌感染性o既暗瘡...通常都係由一兩粒開始，然後到o個o的暗瘡好返，附近o的位就開始生暗瘡啦...如果呢個時候仲未有適當護理，仲要係咁敷mask...慢慢o的暗瘡就愈來愈多啦!因住一發不可收拾呀!
右︰死啦!!唔怪之我愈來愈多瘡啦...咁除o左唔敷mask....我應該點做呀?
左︰你平時點護理皮膚o架?用咩護膚品多?
右︰無呀...我本身皮膚屬於油性，所以我好著重清潔同控油。所以o的護膚品都係清爽控油為主，然後會做下深層清潔o既mask 又或者磨沙呀咁...
左︰咁你有無保濕呀? 保濕都好重要o架...如果你o下o下掛住控油，無好好保濕，你面上o既油份只會愈來愈多。因為皮膚缺水時會分泌多o的油份去滋潤你塊面，如果你再你咁控油，你塊面只會分泌更多o既油...所以，皮膚o既水份同油份一定要平衡呀!
右︰死啦...唔怪之我咁多面油啦!我見自己多瘡，覺得保濕無咁重要...唔怪之我冬天咁少瘡啦...因為我冬天會care保濕多o的...咁我應該點做呀?
左︰嗯，見你情況未去到太壞，而家都補救到o既...首先，一定要暫停你o的mask同磨沙，唔好再刺激塊面! 朝早起身同埋夜晚都要先用cleansing oil 清除你皮膚表面o的油脂同化妝品...因為cleansing oil可以清潔你o既皮膚表面而又唔刺激你塊面，之後，你就用for暗瘡皮膚o既洗面用品洗面，記住呀!因為通常for暗瘡皮膚o既洗面用品會含有防止暗瘡細菌滋生o既成份。到你深層清潔完塊面，再用護膚品就會更吸收啦...記住朝早都唔可以懶呀...
右︰o下!朝早都要用cleansing oil?但我尋晚先洗過面...又無化妝....
左︰係呀!唔可以唔用!!因為cleansing oil主要係清除你皮膚表面o既油份同雜質，無論你臨訓前塊面係幾咁乾淨，其實到你訓醒，你塊面已經有好多油份同雜質o架啦...只係你睇唔到...如果日頭你都唔做足清潔同護膚，除o左皮膚會繼續幫你積聚污垢，化妝會唔上妝外，你用咩護膚品都會唔夠吸收o架....
右︰噢...
左︰到你洗完面，就記得用化妝綿將化妝水輕輕拍上面，呢個動作可以為皮膚底層補充水份，咁你皮膚底層唔缺水，面油就會出少o的啦! 拍完化妝水，記住要搽o的乳液或者cream 去鎖住皮膚o既水份，咁亦都可以令你皮膚表面唔怕缺水...上妝都易o的o架!
右︰嘩...原來要咁架?唔怪之我又多油又多瘡啦....原來的應做唔做，唔應做又落力做...
左︰記住呀!你塊面而家等同受傷，一定要小心護理呀! 千祈唔好再晒太陽啦...咪生得仲多暗瘡呀你~
右︰o下...太陽都唔晒得?! >_<
左︰係呀!皮膚一接觸太陽，皮膚底層o既水份就開始抽乾，咁塊面就會分泌多o的面油去滋潤返....咁呢....
右︰呀!我明白啦...原來我做錯o左咁多...塊面搞成咁，真係抵我死呀!好!!我要重新開始，正所謂28日一個更新週期，28日後，我o既皮膚就會重生o架啦!等我呀......
文章定位：
