24h購物| | PChome| 登入
2004-08-21 20:16:20| 人氣498| 回應0 | 上一篇 | 下一篇

非常對話右左右︰好男人

推薦 0 收藏 0 轉貼0 訂閱站台

某日晚上，電視在播放黃子華、蔡少芬及唐文龍主演的<楝篤神探>，於電視機前觀看的’左’與’右’又再因為男人而談論起來…

右︰雖然唐文龍o係套劇入面真係一個好男人，但我都係鍾意黃子華多o的~

左︰點解呀?唐文龍又有錢，又大隻，又靚仔，又好人，又專一，英文又好過你...係我就揀唐文龍啦!一定幸福死!

右︰但如果我係蔡少芬，我依然會揀黃子華o羅!因為唐文龍實在太好男人啦...嗯...可能我犯賤啦，好男人其實唔係咁適合我。

左︰點解要o黎賤呢? -_-”

右︰你唔覺得好男人好悶咩?你睇o下蔡少芬，佢同唐文龍o的約會根本一o的feel都無，反而佢次次見親子華都好開心，大家互相串o下對方，玩o下對方咁...總之就開心啦!雖然子華無咩好，但愛情係雙方面嘛，佢o地o既愛真係有放有收，好互動。而唐文龍呢? 佢係愛蔡少芬呀，但佢太好人啦，好到根本人o地係唔會受。

左︰你講o既o野好混亂呀! 不過，你都係想講，一個太好o既男人，你係會驚，係咪?

右︰係o卦...男人太好，你自然會要求自己做好少少去對佢好o的，但你慢慢會發覺自己愈來愈多限制，於是你就愈來愈想要自由，然後你就想逃避...可惜，好男人往往會擔心係因為佢對你唔夠好，於是更加對你好，到最後你只會愈來愈內疚...

左︰我明白o既，但我始終覺得，女人搵番個好男人有o的保障。

右︰好男人都係留返俾好女人啦，我都係未夠好...


--------------
相片︰
無線電視劇<楝篤神探>劇照

我要檢舉
台長： 艾斯特

您可能對以下文章有興趣

人氣(498) | 回應(0)| 推薦 (0)| 收藏 (0)| 轉寄
全站分類: 男女話題(愛情、男女、交友) | 個人分類: 生活 |
此分類下一篇:非常對話右左右︰暗瘡
此分類上一篇:非常對話右左右︰遇見型男

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文