!~*Life is Like ThIs....... ================== 為未來 守承諾... ==================

55愛的鼓勵 0訂閱站台

標題想了很久，還是想不到，想說的東西像山一樣高，頭又痛了。

是的，像宿醉般的頭痛已經困擾了我差不多一個星期，每天也沒有好轉的跡像，也許是因為晚上睡得不好的關係。這幾天發夢中都見到佢，每次都同佢去左唔同的地方玩，好開心，有時佢"橋"下我，有時我ｉ下佢，好"in un"。可是，一醒來，心卻沉下來了，因為，這些全在現實中沒有，夢裏越開心，顯得現實越折墮。心裏好像有幾把劍插著咁，好痛。頭又痛，心又痛，好想有個人幫我張ｄ劍拔晒出來。我知道，只有我睇得開，先可以唔痛，但是我，睇唔開。

有人說:"別執著於自己沒有的東西，睇番ｄ自己有既野"
我覺得，我不是執著，我只希望可以去爭取，唔好遲左先後悔，可是，爭取又怕對佢造成困擾，在這中間取得平衡點，真的很困難。有時，我真係好想關心佢，但，我又怕你監介，我自己也監介。真不知怎麼辦＝．＝

呢排，總是覺得自己做錯了，剛做完一件事後，會想"為甚麼不這樣做？這樣做不就更好了麼？"不知這叫馬後炮或是檢討，心裏總是十分混亂。

老爸今天跟我說，"仔，你比ｄ心機讀書，考間好好地的大學，老豆有錢供你"．．
轉頭，又聽到老爸被人家追數．．．．．．．無奈，我心想自己也不是細路仔了，家裏的狀況我也十分明瞭，點解要騙我ｊｅ，我真係唔想我老豆老母為左供我讀書搞到太過辛苦，我計過，在澳門讀，一年二萬多，要是半工讀，一個月要二千多元，我相信，自己還是可以應付得來。

真的是"光陰似箭，日月如梭"，咁快又兩個月，自問呢兩個月做過ｄ乜，我真係答唔出，打機打機打機，總是給自己藉口，"我心情唔好咪打機lo,我得閒咪打機lo"
就來考試～再這樣下去我會死的，邊位有側"引"之心，見到我去打機，請阻止我，或者，走時拉埋我一齊走，拜託！！

今天趕作文，真趕得要命，心裏像有千言萬語，卻不懂化做文字(寫作障礙)，矣，睇我上面ｄ文咁多同音異字就知，我中文水平低．．．作文時，臭美女叫我寫佢做上款，矣．．一寫左佢做上款，佢就成堂係度笑，"都痴線ｇａ"，也不知有甚麼好笑，搞到我成堂數學堂乜都作唔到(我在賴@_@賴你呀,臭美女，其實我唔想寫美女呢個名架，不過我驚人地上新聞台唔知我話緊你，ｓｏ才用美女ｊａ)，結果在物理堂速速亂寫，才趕及交，本想下星期才交的，但想起業添扣分不是人咁品，還是草草了事，早交為妙。回想起自己第一篇作文還未交，實在心寒，現在準備交讀後感那篇，(因為王子話讀後感仲未駛交)盡快搞掂盡快甩身。(對不起，大ｘ智，我今天像是出賣了你，你還要趕兩篇作文，努力吧)

listening前，陪俊男去交薄，一去到見到老狗在內，大家同時頓有"內有惡犬"的感覺，結果在一論推讓之後，吳偉濤下來諗著交作文比俊男，結果就成了代罪羔羊，入去幫俊男交薄，最後濤當然是不能改變比狗咬的命運ｌａ。

很慶幸，我有幾個朋友，我可以同佢地分享下我ｄ野。我也有你們看看我所發的嚕囌，謝謝你們。千言萬語，就此擱筆．．．．ｈａｈａ