從考完試開始...
人家就開始放假了...
我卻開始另一段奮鬥........
從考完試的14號開始.....
就一直在hyatt宴會部奮鬥......
猶如經理有別於一般人的處事方針...
加上佢的"王馬掛"式請人方案...
令到以前一班戰友都唔做lu~>..
留下的...不能算是廢...
只能說是垃圾...
有d人你真係冇辦法唔咁話佢.....
佢唔係做得唔耐..唔識做...
梗係就係onon99咁既款...
再唔係有d以為自己係其他垃圾酒家做過...
就懶係野咁...乜春野都唔做...
真係好x辛苦r>.....
在這個月中無形成了一個小小的supervisor....
但係有啥用...正如前文所說...
沒有馬的supervisor...只係要幫你做晒所有野....
工作範圍擴大..責任擴大...辛苦擴大...人工還是30一個鐘
叫人做野無人應..對..反正我跟你一樣...
都只係一個casual...
我沒有實權去叫你做呢樣做果樣...
只能說...好多野都好難教....
分配給你的工作不做好...
我又是替你執手尾的一個......
媽的媽的媽的媽的.............................
好累好累....
以前一向我都係營業時間10am>..
到前一排番7am...6am...
人家還以為我去晨運........
看到人家去卡拉ok玩完番屋企大搞訓
我就要用牙簽撐開隻眼去番工....
真係好x慘.....
看著我的番工紀綠...
6月14,16,18,20,23,24,25,26,27,28...
見經理比見老母的時間還多........
每天晚上阿媽訓教先放工...佢未起身我就番工........
真的是黃金週
24號的婚宴..26號的hyatt之員與28號的farewell party...感觸良多
24號的婚宴..絕對是hyatt最後一個婚宴..溝了最後的一煲雜果賓治...加上了過火的生果...(平時只有西瓜..木瓜..密瓜...果日有多蘋果..橙..芒果..奇異果..基本上係見生果房有咩切咩/...豐富)溝起來實在好喝...有機會也要溝杯比你地飲下...(還記得an頭跟我說過...一煲正正式式的雜果賓治...最後的步驟就是要試味...haha)那天不是我看酒吧...沒有開紅酒...沒有偷酒喝...但係係我睇vip...有d驚都有d亂...但...總算平安渡過
26號的hyatt之夜..聽著gm用中文唱張學友的"壯志驕陽"....也只是有一點覺得搞笑..那天我到沒啥時間去想甚麼...員工聚會像是清倉時間...d人好似係砍酒大會咁..係咁砍係咁砍....個日做酒吧...保守估計開了...廿箱的罐裝汽水....廿箱的藍妹啤酒...還有十箱的macaubeer..←難喝!!!
弄得我右手斷了食指..中指..無名指的手指甲....手指仲有3條痕.....
矣.....悲...
28號的更甚...聽著gm唱著hyatt之歌...帶點悲傷...
看著悉日與友人一起抹杯..一起玩耍..一起偷食...一起打貓的地方...
卻有一種滋味在心頭....
記得我第一次番工是04年12月12日的poolside>..
第一次偷食的是cheesecake....
第一次的婚宴是40幾圍..還收到了由新郎哥(鏡平阿sir)的100大元tips...
第一次出糧是五佰幾蚊...那時還是廿蚊一個鐘....
第一次中菜偷吃的是湯裡的雞翼..
第一次偷吃的糖水是楊枝甘露
第一次偷喝的好像是芬達橙汁...
第一次比人鬧到眼紅紅(好似我有寫係新聞台..但唔記得第幾篇)
第一次升做酒水..感覺很開心...真的有升職的感覺.......
第一次去睇枱...很緊張...做得不好...剪豬很慢..屎忽剩下很大...沒剪... 翅也分得不均勻...
第一次去外賣→係outside catering呀..唔係delivery service...僅記!!!
忘了是taipa運動場,文化中心,綜藝館,澳督府,還是澳門蛋...辛苦...但很開心...因為貨車通常要等很久...
第一次升人工..成為有星一族..很開心...還記得是2005/10/1.....那天也是婚宴...好像是30圍...
第一次老細請食飯..他要過檔到永利..人工也由1xxxx→2xxxx....十幾人浩浩蕩蕩由關閘去到灣仔食海鮮..叫到成枱都係...仲有一人一隻蟹...斬左隻雞...辣酒煮花螺...瀨尿蝦...魚..湯...鮑魚仔..諗到既都有...
第一次轉去做酒吧...沒啥幹...只係要溝下假酒...做下雜果賓治咁...實在係太閒..閒到可以清洗定d刀叉等食野...
第一次去做vip table..很緊張....幸而沒有甚麼大錯...只係覺得好難分均勻d餸....同埋睇vip壓力真係有一定壓力
第一次做大佬..沒成就感..有壓力感...對著果班賓仔..沒啥好說...對著個仆街經理...更甚...有責任感他不會欣賞..負責任他不會欣賞...耐何我不是菲律賓藉的....
第一次見証一間酒店的關閉..悲傷..眼淚在心裏流...
我真的很喜歡這間公司...該說宴會部這部門....
d阿姐都成日講.."衰仔..你都好錫住間公司"
喜歡同阿ben,俊俊,james一面吹水一面set枱一面打醬的日子....去聽一些有味的話..有骨的新聞....喜歡狂歡3寶每次都會抹晒所有野...摺晒所有餐巾...我地只需要放....
很喜歡喝我自己泡的cappuccino....
喜歡自己偷泡的xo+可樂....
喜歡喝sandy←beer+sprite
再見la....
傻佬ryan...你說過再來澳門會搵我飲茶...我來東莞搵你你會介紹靚女比我識
秋姐..你說過要許配你女兒給我...還有約我打麻雀.....
再見la...成日問我拿啤酒飲的廚房大哥同埋偷我汽水的阿姐.....
再見la...像是忍者識隱身的工程部
再見la...canteen的心姐同萍姐..雖然有時d餸並唔係好好食...
再見la...canteen的凍奶茶...雜果danish
再見la...咖啡機..你伴我渡過不知多少個早上
再見la...酒吧...你那把鎖像是要挑選承繼人般..只有有緣人才可開到....
再見la...凱悅
因為你我才會選擇在ift讀hotel management
因為你我才找到我的方向
因為你我識到一班不可多得的朋友
因為你我學到很多很多的東西
真的要...再見了....
文章定位：
