小圈自說自話 好想大家留言的小圈~~~ 留言啦~唔該你地啦~

225愛的鼓勵 0訂閱站台

剛剛打好左一段隨心想講既野
只按錯了一個掣
係沒有留底的情況之下
就消失得無影無行蹤

有點氣...
但總要再來過

睇番對上的一篇新聞
差不多成一年之前
在這一年
我的生活變化了好多
屋企由上年3個人變成而家大部份時間都係得我一個
一開始總覺得好自由自在,無駒無束
但時間一耐左
越來越覺得悶同寂寞

曾幾何時
好想搵一個伴在自己身邊
同自己去分享自己的喜怒哀樂
同自己去經歷一下另一種需要2個人才會體驗到的生活

我有一刻
係覺得自己最需要人係身邊的時候
我想說服自己
其實佢都幾好呀~
不如試下接受佢,同佢試下睇下work唔work都好呀?
有時甚至想自己做主動搵佢陪下自己
出下街，食下飯...

但我認真地想深一層
我自己究竟係咪鐘意佢呢?
定係自己只是一時寂寞
找個人來打發自己空虛的時間???
我究竟是邊一樣??

想到這裡...我沒法騙自己
亦騙不了!
我....只是過渡唔到一個人生活
抵受不了寂寞的感覺

我明白
一個人的生活
對比起2個人的生活
簡單直接，容易掌握得多
所有事都只需要向自己交代
沒有對唔對得起什麼人的傻話

2個人
1個人身邊又多了1個
要照顧對方的感受
不可以再像一個人的時候
那麼任性，那麼自在，那麼自我...

這一切又是另一個複雜同埋有學問的課題
我知道
我仲未掌握得到
我更知道
我仲未找到呢個對手....

自己年紀都唔小了
總不能一直都是這樣
係呢個人未出現之前
係要學識一個人如何活得有樂趣一點
令自己有趣一點
這是對自己要求的一個既底線
如果連自己都覺得自己又枯燥又乏味
我諗我會幾唔睇得起自己
甚至討厭自己...

對我來講
呢個又是一個有趣的課題
過往的我
好在意人家怎麼看我是個什麼樣的人
由現在開始
我要開始學習一下
重整一下我的想法
我怎樣去過我之後的生活

未來的我
不知道何年何月才會找到這個
我認為可以玩呢個遊戲的對手
不過係呢個人仲未出現之前
一個人亦都有一個人的玩法
我希望我真的做得到
我...正努力將呢件事實踐出黎

下次如果再有人問我
你現在過得好嗎?
我仍可以充滿自信回應說
我好好呀~~不用擔心我~~ok~