話說 2012 年 4 月 29 日捉左肥肥去行下婚紗展 (九展),
因為我覺得有D野係咪應該要睇下參考下先呢?
點知我地果日就已經好快手咁 book 左映 Pre-Wedding 喇...
我又無打算o係第 2 個地方映, 加上又唔會諗住映香港夜景果D~
同埋又唔打算花費太多响呢一部份, 加上係唔係都要影架啦...
所以就覺得早D book 唔洗第日加左價又貴...
不過都唔知點解會快成咁... 即刻就落單~ ^_^
但係因為無做過任何資料搜集, 所以好似叫人地送多左野...
但係事實並非如此 ~_~
2012年 12 月 2 日 去左簡衫...
嘩~ 佢D衫都幾靚架...
不停快試, 映相, 快試, 映相, 之後就响電腦度簡幾件...
好快就簡完~~
因為肥肥既衫 UPGRADE 左, 所以就要比多一千大元....
2012年 12 月 30 日 映相日....
好寒冷既一日... 只有十二度...
去到郊外, 荒山野嶺, 真係得個位數字既溫度...
有D相真係震住咁映....
哈哈~ 映得好開心架~ 映足十二小時, 由早上九點映到夜晚九點... ^_^
2013年 1 月 1 日 簡相日...
嘩! 估唔到過兩日就有相睇喇...
我當然一心諗住用Join Package 既心態, 唔會加相,
Package有幾多張就簡幾多張啦, 反正我間屋又唔會大, 第日都係收埋多幾本之嘛。
點知, 一簡再簡又簡, 加上有選擇恐懼証既我就更加簡唔到, 所以最後都係由肥肥負責 ^_^
不過因為我地個Package有四個景點 (遊艇，北潭涌，沙灘，室內),
所以如果只係簡Package包既相, 根本就每個景點得10張相。
哎呀！有咩可能映得咁辛苦簡得果幾張呀? 所以就加左30張，每張百幾蚊呀！
已經肉痛架啦, 話比個sales姐姐簡完既時候, 佢就同我地講番我地package包既野,
要簡番邊幅相放邊度啦, 仲話比我地聽包既大油畫放唔到兩個人既相啦,
緊係要加錢加大啦（滴汗！）,
之後開始簡相柜, Package又係唔包既, 又要加錢啦，跟住到大相簿, 唔包Coating, 又要比錢啦...
喺咁混亂既情況, 我都已經唔知做緊乜, 全程由肥肥同佢傾,
最後應該有齊想要既相簿, 相架同油畫, 不過又要比多五位數字呢。。
原來, 映Pre-wedding既錢, 有時真係唔係由你自己決定,
由Join Package 果刻, 其實都已經知道你要加多幾多錢埋單,
除非選擇既景點少啦, 就唔會映咁多相, 唔洗簡得咁辛苦,
但係, 當日Join Package 既時候，又點會諗到咁多野呀 #_#
2013年 6 月 3 日 送貨日...
嘩, 可以送貨喇!!!
因為一路都只係比錢, 同埋次前睇過下好細小既排牌,
無真係睇過執完既相, 所以到今日話有得送貨既時候,
真係勁緊張又勁擔心!!
送左去公司比大家觀摩一番之後~
好在佢地都話靚咋...
不過~ 又確實係OK既....
感覺上比左咁多錢都算值得囉... 嘻嘻!!
好期待結婚當日同大家分享呀~ ^_^
文章定位：
