~開心寶寶之家~ ~~ 凡事唔好咁執著 ~~ ~~ 做人都會開心D ~~

328愛的鼓勵 0訂閱站台

 

果日係星期六, 收工之後約左D朋友一齊去石澳,
其實最初都覺得奇怪架喇, 做咩無啦啦會約埋去呢D地方架呢?
唔理咁多, 亦唔想自己失望, 所以我都唔會抱太大期望..

去到就四圍行啦.. 我諗我都係第一次去呢個地方卦 (或者係超細個時去過啦~)
果度有好多人映結婚相, 因為果度可以映到D有山有水既景,
不過~ 大熱天時要著住D婚紗晚裝通山走... 好辛苦咁囉, 所以我同肥肥都無興趣~ ^_^
之後行左上山... 嘩.. 咩事呀~!? 乜今日係行山架咩!? 我完全唔知道囉.....
不過跟大隊就只有行埋一份啦.....
好在都唔係行左好耐, 上左山上面吹下風咁就落山嘞...

跟住食飯飯, 入左去間泰國菜館, D野食都幾好味架喎..!!
突然肥肥同佢家姐個老公唔見左人... 仲要唔見左好耐...
因為時間仲早, 大家就話飯後入屯門打牌~ (食飽飯好似先係七點幾咋!!!)

我果陣覺得自己都係諗多左架喇~ 咩拾派都無... >.<

點知臨上車前肥肥就拉左我去沙灘, 我都唔知咩事...
跟住地下就有燈著光, 仲有一段文字...
之後肥肥抱住好大扎花出黎, 跪地求婚~~
哈哈哈~ 九十九支玫瑰就一路以黎都係我要求既...
至於其他既 SURPRISE... 我真係估唔到囉~~
雖然因為係夜晚太黑映D相唔靚,
不過~ 有塊 LED 板可以隨時回味一下呀! 嘻嘻~!!! ^_^