草的＿”diary” 只有聊聊數人先知道的地方...(我沒有邀請來這裡的朋友"請不要進來"!!!)

40愛的鼓勵 0訂閱站台

５月９日：早上的奸狗堂唔駛返，咁上十點的結構吧，想早點回去看看能否借到抄抄，但又不夠時間，重修的只有我同Ma He有去上堂。果然檢查功課時問我點解唔做，唔識做啊，無時間做啊，又叫我出去做完先入黎，我同Ma He都無理到，繼續上堂。
一個鐘上完，仲超左時添，去完囉書再上去上老細戈堂，入到去只有Phyllis，Dr. Shim又一臉不爽的樣子，之後又開始罵人了，罵我們次次都係遲過佢入課室，鬼咩！係你次次都提前入，我地有咩辦法，前一堂仲要係系主任的堂，點提前見你啊…之後佢正想fail另外兩個女生時佢地剛好返到，又挨鬧啦！今日又係八成出席率，只有高同學冇返。
就係咁鬧左足足一個鐘，所以放學時幾乎兩點了，去完實驗室再去canteen，Phyllis又話黎食，其實不太想…
食完又去實驗室，開始試試用新的方法做實驗了，聽Dickon講解完同用電腦plot條curve知道落glucose和ammonia-chloride的份量後，便拿了1000mL處理過的污水上去化學lab.，加完令佢重新變返做營養豐富的污水，再分做四瓶野，各237.5mL，再auto clave，便落返去了，要打份FYP的report！打以前做過實驗的procedure，但無乜心情打，所以打得好少，等到六七點佢地都走了，我繼續留底，因今晚決定了係澳大過夜做實驗。突然發覺忘了上面auto clave完了後的四瓶野要囉出黎攤凍！弊！又要等一段時間嗎？不了，囉去浸水算了，之後去canteen食飯。
去到canteen正在播“納尼亞傳奇”，看過了，等飯時見到廚房入面有人加菜時係用手抓住ｄ菜放入飯裡！仆街丫，咁都得？！如果碟飯係我的話我一定嘈，唔係我就唔嘈？無錯！！又懶做好人嗎？不！！
食完便回實驗室，準備好要用的東西，差不多九點便做第一次test了，有ｄ儀器和兩瓶細菌係上面，所以每次test的地點都要由下面跑幾十級樓梯上去化學lab.之後十點，十一點，十二點都是如此，但沿途越夜越靜越恐怖，幸好上網時黑鬼說無聊想過澳大！太好了，漫漫長夜有人陪了！
等到一點黑鬼來了，仲帶左叉電器比我，因為我電話無電了，仲有媽咪面同飲料，佢就開電腦上網了，我一夠鐘就去做實驗，佢都有一齊。唔係講笑，一個人的話真係驚的～
每次完落去上網，都會和Wig，黑鬼等人開聊天室MSN，黑鬼幾年黎又再有目標了～我地好似“電車男”的情節裡咁教佢點做，但真係幾搞笑，自己搞成敢咁失敗仲係度教人，可笑！
之後六點幾天光，黑鬼走了，我又一個人了，開MSN見到一位朋友仲未睡，試下聊下傾計，半年沒理過我了，她居然有回我！神奇！之後傾了一會我想恰一恰，便睡了。