草的＿”diary” 只有聊聊數人先知道的地方...(我沒有邀請來這裡的朋友"請不要進來"!!!)

40愛的鼓勵 0訂閱站台

２月２１日：八點幾九點起身，約了高同學九點半在課室等我，食左隻蕉便走了，返到去九點八，好耐未試過早到回校呢！
佢講解完一次後我都唔係好明，算吧，死就死，點知入黎戈個係一個助教，只係俾左題功課就可以走了，因為等陣學校請左個香港的教授演講，大三一定要出席，我地Dr. Shim的幾個學生都要去，當然包括我，兩個助教，Scott和Phyllis。
去到好大陣象咁，連校長副校長都來，又有土木系主任高sir，同所有土木的人，Dickon坐我旁，前面係Scott同Derek。
聽左唔夠十分鐘，我頂唔順了，鐘下鐘下咁，好鬼死眼訓，唔知鐘到幾耐先完，超辛苦。
之後入去環境lab.，再一齊去食飯，落山後Carmen send msg說canteen找到位，便上接駁巴回去了，見到大一時那個FSH的靚女呢！
入去超多人，早知寧願慢慢行去食ｍ記，未買完Derek已經唔見左人，以為佢不爽這裡太多人，食完晒佢先返，原來佢回家囉書，仲順便囉左下午奸狗堂要用的書給我！太多謝了，我還未開口問已經先拿給我！
兩點便去上奸狗的交通工程了，好ｑ悶，又唔知佢up乜！一個鐘後便完了，囉張Add/Drop form俾佢簽名，頂佢個肺講咁ｑ多野，話我呢段修八科太多無可能會past，食屎啦，連Andrew修五科佢都話多，仲話“俾意見”我最好唔好修住，這時連Andrew都忍唔住開口了，話唔修呢科邊有可能畢到業咁，妖！你估好想修你戈科咩！係人都知修Dr. Lok戈科佢唔會fail人咩！唔駛畢業咩！簽你就簽啦，咁ｑ多野講，仲要只係問我同馬克係咪都有八科，點解唔問下旁的低下頭的Phyllis呢？佢修九科添啦！你戈科好巴閉咩，為畢業先修咋，唔知醜～
放學又去實驗室坐坐，這時Andrew忍唔住問我地岩岩上堂明唔明，講真真係麻麻地，佢突然話岩岩奸狗唔識教，講得好亂，佢親自同我地講多次，嘩！好呀！去到實驗室，佢用左唔夠十分鐘就將岩岩上堂的內容用佢方法同我地以前學過的方法來教，明得十分透徹呢！多謝Andrew班長了！
之後便順便在這裡上網打日記，一口氣打了兩三天，七點便走了。又是連續幾天在巴士上睡著了，落車去了吉之島買左一筒我至愛的薯片，還有最愛的朱古力，期待今晚的宵夜。
回到家便食飯了，正想食之際阿媽打來叫我去關閘拿手機和一些錢給她，她又上大陸了，食完飯再睇左陣細佬打新鬼武者，我便入房開電腦，九點，計畫打機打到十一點便關機做結構的功課了，點知唔覺唔覺打到十二點幾，沖完涼先係書桌上看了會，發覺唔識做，一路食薯片一路看，我唔可以再食了，我完全停唔到手。等到一點幾我又上網了，因想起Wig也在修力學，和我的應該差不多吧！
點知佢正在打緊我地呢排打的機，成差不多兩點先玩完，之後吸了Skype來交談，我先在小畫家畫了題目給他，之後我開咪開喇叭同佢對話左成個幾鐘，結果都係未做到一條數。又搞到四點幾先訓了。