草的＿”diary” 只有聊聊數人先知道的地方...(我沒有邀請來這裡的朋友"請不要進來"!!!)

40愛的鼓勵 0訂閱站台

１１月３０日：早上鬧鐘把我成功嘈醒了，但我又繼續睡，結果foundation沒有上，十一時黑鬼打來問我是不是一起去捐血，算了！豁出去了，捐就捐吧！
在澳大等埋黑鬼便一齊去了，在澳大文化中心，先填份表先，我應該全都符合晒掛，除了一項我不知自己有沒有感冒外～
黑鬼卻因為正在食防肺結核的藥，醫生唔俾佢捐，佢居然好失望！只剩下我原本只是陪捐的！我的生理死穴正正是針，我卻要獨個兒面對耶！
先去一個地方checkcheck我基本上是否適合捐血，有個男人捉實我左手無名指，用一舊野叮了我一下，幸好沒有感覺，但即刻有一大滴血滲出，佢即刻抽一滴唔知做咩測試，通過了，ｄ人係咁叫我飲橙汁同食佢難食到嘔的豬屎三文治，飲左兩杯食左兩件，有姑娘叫我埋去了，黑鬼這時走了，噢！
問我想左手定右手，當然左手啦，便開始拿出刑具了，幸好支針唔係想像咁好似飲管咁粗，但佢插入去戈野的確蠻痛的！我咁驚針當然唔敢望佢插的過程啦，插左入去我先望左望，見到支針插左入身體入面的確幾恐怖～佢搞完一輪後俾舊野我渣住，放開個夾後ｄ血開始流了，叫我將舊野渣下放下渣下放下，ｄ血先會流快ｄ，過程除了痛，還有痺，隻手又痺又痛咁。期間見咁無聊，囉部電話影低隻手先，又影下自己個無奈樣，個姑娘問我今朝係咪飲得好少水，我話係呀，佢就話唔怪得之我ｄ血流得咁慢了，唔係掛！十分零鐘度就完了。
之後坐左陣，又食左件豬屎三文治，又飲左杯橙汁，個頭開始暈暈地了，有個姑娘走來問我有咩唔舒服，無的話可以走了，我說有點暈，佢就話唔怪得我個樣有點呆滯似的，唔係掛，我上堂都係咁個樣，況且無野做我一定發緊夢，都好，可以挨多陣先走，仲有人餵我飲野，訓一陣先，差不多兩點了，走了，飲多盒維他奶先～因為剛剛捐了兩包各350ml的血，要補充返～

點解我會捐血呢？我其實諗左三年了，大一時的捐血週，沒有想過，完了後和自己說不如下年捐，反正自己又不知道自己是什麼血型。一年後大二了，點知都係擺脫唔到心理障礙，乍乍第第咁扮唔知過了。大三了，下學期，即今年年頭，因為病過，醫生話我有點低血壓兼貧血，我就以此為藉口又唔捐了。到了現在大四了，再唔捐的話我以後一定唔會自己走去捐血中心的，再者我又想當係免費做一做身體檢查，加上黑鬼佢好有興趣，決定了！

捐完後去了環境lab.，carmen同phyllis都在，佢地先去上堂，我扮繼續捐血，搞一陣電腦先去，Dickon囉左支量筒來，給我看700ml的血即有多少，嘩！原來都唔少，700ml真係好多！今次真係大出血了！
兩點三先去上Dr. Shim堂，好悶啊，而家連呢堂都不留心了，那我變成沒有一堂課是專心聽講的了。又狂問一些我們不會答的問題後便放學了，又去了環境lab.。
係咁上網，都沒有打日記，因為隻手的問題，都係狂上網，好似上到七點走了，回到家阿麻煮左好多牛，又牛肉又牛尾湯咁，唔係掛，今餐對我來說好毒呢，但肚餓的關係，唔理了，照食。
之後又一直睇電視，晚上又上網，打日記，又三點了，我呢排在幹嗎呢？網上都沒有我想見的人耶！