草的＿”diary” 只有聊聊數人先知道的地方...(我沒有邀請來這裡的朋友"請不要進來"!!!)

40愛的鼓勵 0訂閱站台

７月１０日：臨出門口時Sharon媽打過比我，我順便問中葡職中個禮堂點去，九點鐘出門口，坐10B去，去到先九點四，仲有大把時間，上一樓就見到個表演廳，入去望下，座位真係少得可憐，數一數得179個位，見到ｄ樂器車剛到，就落去幫手搬，有人說了點東西給我聽，個心真的那左一下……搬完痞一陣，見到Sharon媽，即跑過去打招呼先啦，但佢第一句就叫我幫佢手過新苗搬水～同肥英一齊，係對面jan剛到，佢又過來，又不成熟地搞事了。買完水黃小草就到，果然有幫我買麻薯同鳳梨酥！謝了！
鏡頭一轉，大家已經坐晒係台上等排練，我開頭睇唔明戈兩個大陸指揮的，最後都ｏｋ啦！得三排我坐係最後戈排，長號同大號之間，好彩我最不屑的那人不是坐在我旁邊，有人隔住！
排練其間，極度眼訓，試過有一段時停十五小節的，我數到第十時恰著了，第十四又突然醒返，不時望向horn戈邊，點解阿悠咁精神？大家都係通頂，我快挨不住了，快點排完快點回家睡一會！個腦完全諗唔到野，都好～！終於放人了，仍是渾渾噩噩咁，keith說要去食野，我胡裡胡塗應承了，但隨後我又後悔了，我為何不回家睡呢？有點後悔，早知回家算了。
去到八佰伴先無咁誇張，叫了碗面，原本好肚餓，但吃左少少就好快飽了，之後佢地逛左一陣，我先回家了，沖完涼已經四點幾，訓左唔夠半個鐘又要坐車返去。返到去先五點四，入去放樂器的室看看有什麼可幫Sharon手，抬下飯，之後越來越多人返了，開始食！個咖喱雞飯都過得去。
之後食完就去排練了，好似話唔夠時間，坐一坐又叫返入去，keith等人係度搞我個頭，噢～！接受唔到，見到jill係上面，叫佢幫我搞返點，頂佢，又係一大班女仔面前表演佢ｄ魔術，等左佢成十分鐘先肯show完，去廁所同佢搞～哈哈，ｏｋ啦。
要去台上準備了，坐係度都唔知等乜，見ｄ人陸續咁入場，見到carmen同佢男友，叫左佢第三年先得閒黎睇，不屑～仲見到一排聖中的人。開始了，第一首，祝典序曲，第二首，Folk Song Suit，又先回休息室了，吳生好似好滿意的樣子。
之後和一些人回後台，準備搬椅搬譜架之類的，場場都是我們幾個人做，其他part的男仔全是死的，係休息室行行企企又影相咁，平時搬野又唔搬，不屑！
之後係弦樂，獨唱，又到我地了，算是戲肉吧，黃河大合唱開頭戈幾個２章都ｏｋ，但個女指揮我突然看不懂她在指什麼，到底是我沒睡的關係，還是她真的轉了指法的關係？我停了幾乎半個樂章。
表演完了，鵬說去食宵夜，因阿悠明天走了，所以打算搬晒ｄ野落樓算了，見到kamen，有點勢式不對，見到林＋＋，諗住俾返支野佢，但最後係我叫黑鬼幫我車支野上佢家先，過返來時，勢頭更不對了，只有我和jill兩個男仔在，其他人又不知死了去哪，見到她這樣，又搞到不知所措了。
搬左陣先見到其他男仔返返黎。第一車走左之後我先去會址，見到容兩兄弟，c+等係度幫手，佢地剛去左食野。終於搬好晒了，連阿悠都全程幫手，她自己行李都未整理呢！
雖然全部算係搞點晒，但她仍是在做著令我不知所措的事……後來叮叮回來了，我和阿悠同巢先走，約了他們去台山百里仙食野，去到有wig同阿鵬，之後叫埋jill，仲有阿男，好怪，好雜，又老管樂，新管樂，又三理乙的，食完走了…回到家，好似有上網，又好似無，當然最後的結果係去左訓覺！

總括來說，今日由朝到晚，都覺得幾無奈，很怕遇到不知所措的事。