草的＿”diary” 只有聊聊數人先知道的地方...(我沒有邀請來這裡的朋友"請不要進來"!!!)

40愛的鼓勵 0訂閱站台

７月９日：今日原本打算早點去校，十一時半被鬧鐘嘈醒過，但又立即失去知覺了，十二點幾先醒，差不多一點才回到去，食左碗面，俾左舊雞肉俾隻狗食。之後超搞笑，有三個男仔見到ｄ女仔好驚隻狗咁，扮晒天不怕地不怕咁聊隻狗，最後搞興左隻狗被咬了一口，哈哈哈哈！正白痴仔！暗叫了聲“抵死”！
入到去又是tcm指，沒有tuba，叫我吹，吹唔慣呀！！break完後“妹豬”回來了，咁我就開支長號吹啦，真係口痕嘛！有六支長號，我開了五支，戈五支唔係壞，或無落cream，就係有人用緊，最後第六支先叫做正常，我頂！我平時無乜運行者，都唔駛咁誇張卦！！
散了，反到屋企，諗住換好衫即刻打俾星叫佢車我的，但這時先發覺原來細佬著左我平時表演先有機會著的皮鞋，咁都算，但佢居然著爛左，仲唔出聲！即刻火都黎埋，阿媽卻反而話我自己唔一早準備好晒ｄ野，搞到同屋企嘈完一輪，最後阿媽俾左二佰我去買，還掂聽日MPA表演都要用。
五點半等阿星，但差不多六點才和他女友來，即飛車去祐漢買，再飛車去車阿達，在紅街市好刺激，一個交警走緊過黎準備抄牌之類的，而阿達亦在飛奔過來中，最後阿達趕得切即刻開車走，無事，即趕去理工，阿達著西裝的樣子十分搞笑，而阿星著到好似總裁咁，好有型！而我，一個普通文員咁…
去到六點半，一入去就見到魚魚，佢表演戈part已經完了，噢！在台上的菜蔥和香香亦剛好表演完，先找個位置坐，看餘下的表演，其間吳生打電話來，我沒聽。最後看完她們合唱後就完了，合唱裡面見到阿鵬同劉家榮等大一生一齊表演。等了一會再去拍了些照，哈！咁大個仔第一次著西裝（土風舞裡的不論不類西裝不計算在內），之後走了，坐阿星車去三盞燈食面，食些很嘔心的面，豬腦豬雜面！回家了，車到我家樓下，我再上樓囉返支小號比阿鵬，回到家再約人上wig家坐坐，因為阿悠星期一回台灣了，所以今晚點都要搵野搞下喎。
打過晒比佢地後，十一點到我等埋小葡先一齊上去wig家，但我居然忘了是幾樓！之後黑鬼來，悠來了，瑩又來了，我同wig又帶佢上黎，順便買埋宵夜，就係咁。
開頭個個係度睇黑鬼打機，最後唔知係阿悠or瑩話打麻雀，一早預左佢地會咁講，哈！但發覺wig塊麻雀板一直都係我家，成年了，結果我同黑鬼各自回家，我回家囉板佢回家囉衫，因連悠在內，各人都決定….通宵！縱使“明天”要表演。
三點先正式開始，wig同黑鬼打機，我地四隻常任理事腳又開台了，打了一圈，兩圈，已經六點幾了，都算幾慢下，七點三時，決定打定唔打，巢說：“八點先回家，而家仲有八個字，咁……”咁就我做衰人啦，我話打多個東吧，就係咁樣，八點大家先走，七點時黑鬼先走，因佢這時要到路環不知幹嗎。
回到家，見到阿爸洗緊衫，沒有出聲，雖然平時見到佢都係沒有兩句，但總是怪怪的。刷過牙洗過面後，拿著樂器同譜，又走了……