【瑩之手扎】 我要將生活點滴一一記下來 要成為將來回憶的一部分

67愛的鼓勵 0訂閱站台

今日又去掃瞄，每一次掃瞄我都會覺得好興奮因為又可以同阿b 見面啦!今次掃瞄老公都可以陪我入去睇阿b，入到掃瞄室我已經好自動波咁除鞋訓上床，哈哈~

我地好專注咁望住個螢幕，見到阿b個背脊，原來佢轉左身面向我肚裡面，所以我地睇唔到佢ge樣，所以醫生check 住其他部份先啦，突然醫生話佢轉身，不過好快咁佢又背住我地啦!佢真係好鬼馬，醫生建議我側身，目的希望阿b 可以轉身畀個正面我地睇下，終於可以見到佢側面啦，終於可以清楚咁見到佢啦，不過佢有d 怕醜成日都用隻手仔遮住塊面，係呢個時候醫生同我地講話阿b 係度笑呀!果一刻我同老公都見到呀!超級開心!醫生仲開左個喇叭所以我地可以聽到阿b 噗通~噗通~ge 心跳聲!掃瞄完畢，我同老公留左係度睇左d 片一陣先肯走!老公睇完仲畀我興奮呀!或者係因為第一次啦，又要再等下次掃瞄先可以見阿b lu!