岩岩過左個星期六係Sports Day，其實之前諗住入U都唔會參加Sports Day，因為都冇咩必要，Sports day係PE人既天下麻。不過0個日Ryan打黎話冇人玩，就叫我幫下手，咁咪玩下囉，同之前中學一樣玩0個d囉。
一朝早去到就跑400米，得2個heats之麻，點知咁就冇啦啦入左final，好慘呀~~
要跑多次，仲要冇得去大球場幫TWINS伴舞
其實0個日我真係好想去跳舞，個人0係JSC，但個心已經去左大球場啦!!
不過鬼叫阿健咁遲先通知我去跳咩，之前已經應承左去Sports Day。
雖然大學既Sports Day同中學0個時好唔同，但係其實我都幾enjoy Sports Day呢一日
因為好多人都有黎湊熱鬧 (哈~其實係計U-life)
不過點都好，我都好開心佢地咁支持我，明知我跑唔到，但仍然叫住我個名叫我加油!!好多謝你地呀~~
(哈哈~~ 佢地咩名都出齊，我跑到差唔多終點時，冇啦啦聽到有人好大聲叫我中文全名囉，好似係Ryan囉，0個下都唔知好嬲定好笑)
0個日真係終於見識到歐陽尾指既”飛”啦，哈~ 死變態佬真係超快喎!!
哈~ 見住佢跑100 heat時，簡直呆左，只係”嘩~~ 好快呀”
真係好厲害~~ 偶像呀~ 哈!!
不過100 final時仲快，之後跑4x100 仲恐怖，一枝箭標左出黎，冇人夠佢勁。
(但係呀~~ 個歐陽尾指呀~ 唔知跑咩時，就到終點冇啦啦自己0係度笑囉)
4x100 真係好好睇，尤其見住歐陽帶左出黎最快，Adrian keep住，阿Bee keep住，肉腸繼續keep住咁快，heat 0個時勁人成條街，final 3條lane 既人同時衝線。好勁~~~
哈~ 估唔到Adrian跑100又係好快，見佢練跑400好似potentially勁架啦，原來100都勁，果然真係要有人踏步先跑快。
另一個又係好勁既係大Carmen，成個格都係sports人，玩左好多events，跑得又係好快好快~ 好佩服呀~~
0個日真係完全係PE同CIE人既天下，拎哂所有獎囉~~
雖然0個日都幾enjoy，不過冰冰入左醫院真係好擔心呀
我見佢跑最後50m時，好似已經好辛苦
跑完0個時嗌個肚好痛，之後仲要送入醫院
我地個個都好擔心~ 我見住佢咁痛，我個心都好up
不過好彩阿詩之後講番佢冇咩事，佢媽咪已經接左佢出院~~
希望佢快d好番~~ ^^
文章定位：
