飯之幸運桶 幸福不屬於我, 或許我不需幸福~~

106愛的鼓勵 0訂閱站台

唉~~ 我今日真係嘗試左一句 "我做得咁辛苦為乜..."
我呢幾個月都冇咩時間係早放工, 星期六日都做野~~~
我由4月頭開始俾你地係咁chur我, 一路到4月26號出數個日, 我有邊一日係開心過呀, 有邊一日係笑過, 野又食唔到, 覺又冇得訓~~
好啦, 出完數0個個星期好d, 可以早少少走~~
但過左呢個星期, 5月頭開始, 我下面全部人都放假考試, 冇人幫我~~
我之前又要幫手做"X隊"隻job既野, 08, 09年既野一次過要搞掂個archive~~
個客又要一次出4個Quarter既report~~
都要時間做架麻~~~
我搞"X隊"個時, 又要做"利奧" 既report, 又要執working~~
好啦, 之後突然又要提早兩星期搞"家靈"隻job 既planning~~
哎呀~~ 除左5月第一個星期同岩岩0個個星期有小朋友幫我之外, 其他時間都係我自己一個人做咋, 想我點呀???
我一個人要搞幾隻job既野, 你估我好得閒呀???
呢三四個星期俾你同我師姐同時間要我做野, 咁我可以點呀??
我已經唔係好做我師姐隻job, 係咁做你d野, 咁我可以點呀??
呢個幾月好似升仙咁, 雖然日日成十點先返到公司, 但我日日都食一個早餐之後, lunch又唔食, dinner又唔食, 一路係咁做, 做唔停咁樣, 一星期總有三四晚做到十二點幾, 一點~~
有兩三次做通頂~~~ 為咩者??
我見你咁辛苦要食埋0個個manager既job, 我先再努力d睇多幾份report, 一來個客趕住要, 二來你又多野做, 唔得閒, 我咪幫你通頂睇多d囉~~
唉~~~ 上次你講左一句"好慢呀", 想點呀?? 我已經好努力係咁做~~
今日你又一句"點解咁慢架?"
喂~~ 我今次真係嬲同唔開心囉~~
我已經同你講過幾次我要做我師姐隻job~~
"家靈"隻job 提早左兩星期開會, 我自己夜晚留夜d去做~~
你既job, 我就day time做~~
但planning唔係得一個會既material 要準備架麻, 仲有好多野做架, 你唔係唔知呀?? 咁我可以點呀???
我under "家靈" booking個時都係照樣做你隻job d 野, 咁你想我點呀??
唉, 我都係因為可以跟你, 我先留0係度做~~
但你咁樣講, 我仲可以點???
我知你自己都多野做, 所以燥底, 我唔怪你, 但我好傷心囉~~
其實我幾個星期六日除左去做gym, 同用左一晚去行街之外~~
我都長期0係屋企做野, 係做得慢d, 但都係叫有做過下呀~~
有時做做下做通頂~~ 唉~~
一句"d野已經出左黎2個星期, 都仲有d未ok, 點解咁慢架?"
係呀, d野出左黎2個星期, 但我上個星期先開始, 我用左3日時間整好啦喎~~
唉~~ 我真係好無奈好無奈~~~
好似我既努力係白費咁.......
點解每次好努力去做一件事去維繫一樣野, 換黎既都係失敗~~~
本身日日做到咁夜, 我都覺得冇所謂, 因為我個manager好, 不過原來人都係為自己架~~
到最後都係諗自己架咋~~ 唉~~
真係心都碎埋~~~ ><"


仲留0係度做咩??
咁辛苦, 咩都係得個吉~~~ ><"