今日已經係第六日啦
仲有兩日我就可以輕鬆d
其實今日又係好興囉~~~
不過今日厲害囉
一朝早3點鐘
冇錯~~~ 係3點鐘起身
因為今早5點要去天安門睇升旗
勁冷囉
好似around 17至18度囉
著左一件長袖衫同褸囉
都仲凍
4點幾去到
已經有勁多人囉
應該有幾百人圍住
仲以為睇唔到
不過好彩原來安排左我地入去睇
哈哈~~
幾好架
可以親身感受一下天安門升旗時刻
唔係只係睇電視
好正呀~~
好有中國人feel呀~~
呵呵呵~~~
睇完之後得5點幾
就番左酒店俾我地訓覺
番到酒店around 6點
我同diana冇落去食早餐
因為去睇升旗前
我地高速地食左野
我仲要食左個杯面
我想講我食個下係冇知覺囉
好似冇味咁
一黎好眼訓
二黎係唔鐘意食
識我既人都知我係好唔鐘意食杯面碗面即泡既野
因為我覺得好難食
但係因為我為左我呢個星期著想
我係帶左幾個杯面黎
一朝早又要食d暖肚既野喎
我今日好似食唔知咩咁食
天呀~~ 慘呀~~
之後我地又一朝去左中國科技館
勁hea
冇野好玩囉~~
咁就一個上晝啦
之後去左食火鍋
唔明點解呢度咁乾燥都走去食火鍋
想我地喉嚨痛死都似
不過冇緊既
我冇咁易喉嚨痛~~
irene去左睇醫生
一次過開左十日藥
希望佢快d好番啦~~~
之後我地班大都會人冇跟佢地去長城
去左睇酒店
勁遠啦又係
不過勁掂呀~~
呵呵呵~~
如家快捷酒店真係如家架
好舒服好新好乾淨仲有勁多外國人
好放心呀~~
d 房細左少少
不過唔緊要
舒服就得啦~~~
之後我地就番左賓館休息
好耐冇試過咁休息
好正~~
雖然得兩個鐘但係好滿足
之後去左附近一間香港式既茶餐廳食dinner
去到見到有兩個廣東話食客問我地係咪北大
我答“唔係...浸大”
哈哈~~
佢地聽唔明
佢地唔知啦
佢地兩個係香港人
間野真係好香港架~~
岩口味先啦
北京d野好濃味架~~
後來佢地去完長城番黎開反思會
之前開既反思會係將六十幾人分開5間房傾3個topic
今次個反思會係六十幾人0係之前上教育0個堂個房開
又係勁興
班OC同Johnny坐左上stage
問我地對於個團既意見
其實冇咩人發表意見
尤其係個SA團人~~
多數係我地大都會既人~
而且氣氛都幾嚴肅~~~
文英一連講左好多好多point
係講個團既問題
講左好多我想講既野
之後佢地SA團d人緊係撐番自己人啦
本身諗住文英講左咁多都唔諗住出聲講
後來佢地點名問題都冇回應到
我都諗住叫佢地回應番
點知有個位真係勁興喎
有個人講番個團有d人唔合作
例如尋晚我王府井唔見左3個人單野
話我地唔向OC講
要點到名先知
咩事呀你???
佢自己都話佢唔係OC又唔係組長
唔清唔楚唔好出聲啦你
懶勁幫人講野
咁即係話我地幾個人啦~~
冇病呀你??
嘩~~
個下組織下要講咩
跟住即刻舉手要講野囉
我咪講話覺得班OC溝通得唔夠好
點解尋日王府井單野搞到咁
明明我地入面3個人唔見左
佢地可以話番我地轉頭
我初時都好好氣
跟住囉~~
個副團長插咀囉~~~
問我同左邊個講
佢地3個人同左johnny講架麻
我地上車都講過冇左3個人
跟住司法組個男組長又插咀囉~~
問“你同我地邊個講呀”
我咪講“你地幾個囉，1號車個d人囉”
跟住0個個人又話喎“王府井落車個時得兩個唔0係度咋喎”
我個下勁興囉~~~
火都黎埋~~~~~
唔係下你呀先生???
你點數人架????????
我話“嘩~~ 明明今朝佢地3個人已經冇去人民大都堂同故宮架啦喎”
佢仲死嘈得兩個人
嘩~~ 勁興囉~~
明明真係少左3個人但係佢又話兩個人
但係如果我報只係少左2個人
點解佢可以數多左1個人
咁0個個人去左邊個??
你係咪撞鬼呀??
係就出聲呀~~ 即刻踢你落車呀
唔好惹d骯髒野埋黎呀~~
都唔知佢地搞咩囉
真係唔知0個一個人去左邊囉??
佢地一定係撞邪
不過佢地數人又真係可以數到唔清唔楚
每次數人都數左唔知去左邊囉~~
跟住個副團長又話唔好爭辯啦
喂~~ 好似我冇意圖同你地爭辯喎
你地兩個0係我講野0個時插咀喎
咁點計~~
仲要講到自己岩唒
我錯唒喎~
似係你地同我嘈咋喎
搞到我有一堆想講既野講唔到啦
我俾佢地兩個人搞一搞即興
語氣上我都知不知不覺地差
不過講真我都唔係有心既
只不過俾人嘈一嘈講野快左d
本身都諗住講下佢地d行程其實冇問題
因為自己搞過study tour
自己做過團長~~
我好明白佢地既苦處
唉~~ 算啦~~
佢地唔俾我繼續講就算啦
跟住之後irene就出聲
其實佢都講得好客氣
不過好搞笑
又啪啪聲又唔該唒
超好笑~~
佢都係tune番個氣氛者~~
不過算啦
佢地又搞笑喎~~
唔知佢地邊個人講叫表達意見既人客觀d
唔好咁主觀
0個個人布冇sense架??
開e會就係表達個人意見
你開呢個會既目的都係要人表達自己意見者
要人地客觀??
客觀呢樣野冇標準架喎~~
要客觀即係describe 番成件事出黎就算啦
傻架?? 用下腦啦~~
係啦~~
我好記得個tour個副團長成日0係架車度提佢自己都好辛苦呀
自己都係俾咁多$呀
做義工架咋
又呢樣又0個樣~~
哼~~ 我真係服左佢
好心佢啦~
我唔知佢係俾人屈做定自願做~~
我只係覺得佢pick up 得呢個job
佢就唔好怨啦~~
哎呀~~ 似咩者???
我好唔鐘意d人攬d野上身做
但係又要怨呢樣怨0個樣~~
又要周圍同人講自己辛苦~~
你話自己圍來幾個申下就話者~~
仲要咁同d團員講~
不如我俾個學術幹事佢做呀
我驚佢日日喊呀~~
而家呢d真係只不過係好小兒科囉~~
而且仲有咁多人同你分擔~~
唉~~ 挨下啦~
小朋友~~
唔理佢地聽唔聽我地既意見
總之而家唔理啦~~
都傻傻地囉~~
聽日佢地既last day
非常好呀!!!
文章定位：
