今日去左哥連臣角拜爺爺
呢個日子都約左好耐lu~~
本身約20號，不過我唔得
之後約27號，但係安芝唔得
先再約今日，安芝同老豆又唔使番公麻
一朝晨咁早7點幾俾媽咪迫醒左
冇法子~ 我起身要搞一大輪先出得門口
冇陰公~~ >< 嗚
尋晚訓唔到
0係張床碌左成個幾鐘先訓到~~
訓得4個鐘
...... 年年都咁早... 點解呀??
真係辛苦死我lu~~ hehe~
結果9點幾到達筲箕灣
今日上山~ 嘩~ 厲害呀!!
山上能見度唔知有冇100米
好大霧啊!!!!!!
我地三姊弟又如常行快兩步搵爺爺個位
今日燒野俾爺爺既時候
老豆同我地研究左一個問題
佢話佢有個同事話我地拜山唔應該0係清明前
因為鬼門關未開
d野會速遞唔到落去，爺爺會收唔到
應該0係清明至重九呢段期間先拜山
但係我地咁樣早拜山已經廿幾年啦喎
如果真係收唔到既話，爺爺0係樓下咪好窮囉
唔知啦~ 呢d野都係講心架者~~
拜完走個時，我地好有聊咁0係度研究左幾樣野
我地等女麻女麻同安芝去toilet個時
我地4個人0係度研究痔瘡係點樣形成
我就從一個bio既角度去解釋
而老豆就從一個搞笑既角度去解釋~~
唔~~ ............... 有聊
之後樓輝仔就慘啦
係咁俾3個老人家話佢拍拖點點點呀~~
個女仔點點點呀~~
哈哈~~ 抵死
鬼叫佢蠢俾樓生樓太撞到正
又0係度講搵工
搵工呢樣野我地都係時候諗架啦~~~
不停研究消防員、海關、懲教署等紀律部隊
鬼咩~ 樓芝芝佢報左入境處同懲教署
樓輝輝又想做呢d
不過超難考喎
今次考有成萬六人爭32個位喎~~
真恐怖~~~~~
不過我成日覺得打政府工會好悶
之後番到屋企都只不過係12點幾~~
佢地又如常打麻雀
我都玩左一圈咁大把
跟住芝芝想玩俾番佢玩
佢地4個就繼續打
媽咪就繼續做廚房野
而我就訓左0係梳發睇電視......
睇睇下就.........訓著左
0個時好似差唔多3點半
一訓就訓到7點半
厲害~~ 7點半起身就食飯
我只係記得4點半起過身轉個睡姿
由打橫轉打直訓
好好既一個晏覺
好耐冇訓過一個咁好既晏覺
冇法~~ 因為實在太支力啦
之前一日又係晨咁早起身去睇ITAA喎~~
"充足睡眠真開心~~ 呵呵呵~~~"
食完飯樓芝芝同女麻女麻就番美孚啦
不過女麻女麻去之前都封左封生日利是俾我先
真好~~ 0係我呢期赤貧確係幫到忙~~ hehe~~
今日又可以成家6個人一齊食飯真係好囉
到左夜d，就入左輝輝房上網~~
講起就真係谷鬼氣
部腦已經嗚乎哀哉啦麻
死唔斷氣~~
上左半個鐘就short 左5、6次
結果等樓輝番黎就決定format 過部野
好~~ 而家幾好
哈哈~ 我有限既電腦技術戰勝左部死腦野
文章定位：
