好勁呀!打麻雀我一家贏三家呀!＠DaDa 無聊日記

2004-07-18 03:05:57| 人氣41| 回應0 | 上一篇 | 下一篇

好勁呀!打麻雀我一家贏三家呀!

推薦 0 收藏 0 轉貼0 訂閱站台

尋日打八號風球,我屋企好多野玩啦..好忙呀!

又要陪細佬睇vcd..男上女下....

我又要織頸巾,

家姐又約左男朋友黎打麻雀..

又要講電話..

我忙到日記都打唔到啦!

好啦!我要講我而家唔係"出沖王"啦!

我尋日同daddy,家姐同埋家姐男朋友打麻雀呀!

我好勁呀...一家贏三家呀!

其實應該好開心啦!但我又唔係囉!

最衰都係daddy啦...前一篇日記先讚完佢,我而家又覺得佢煩啦!

佢囉...我地打麻雀其實都係想陪佢玩,唔係真係自己想玩...

佢完全唔知我地心意囉!

總之佢一打麻雀就好認真...

計錢計到好足咁...咁我同朋友玩不嬲都係一蚊一噃or打分架啦!

佢又唔鍾意,要打大d...

好啦!打大d啦!咁我而家係窮書生呀嘛....

都陪你!..打...打囉...

其實佢講時極之認真o既態度已令我唔係好開心啦!

家姐見到咁,佢即刻同我講:'妹妹,你輸左我o既,贏左就你o既!好無?'

一定好啦!yeah!

好野..開心噃!我都識做,我話如果贏左我都俾噃一半佢啦!

好彩我真係係咁食糊...勁呀!

點解會咁勁?因為有人刺激我囉!

未打就有人好認真咁同我講"麻雀枱上無親情講架!"

仲要打打下....佳佳想"碰",我想"上"隻牌...

大家都叫左....佳佳哥哥聽到我要,就話唔碰啦!

點知daddy話..唔得喎..佢同佳佳講我而家係佢敵人..唔可以俾我上..

碰大d喎!

好巴閉咩!咩敵人喎....咁大陣仗...

咁認真..咁即係迫我好認真咁打jei....激死我啦!

好似打仗咁..好彩得佢一個係咁咋!

家姐同佳佳都識同我笑下.....唔係我就忟死啦!

玩下jei...唔好咁認真好喎!

點都好啦..打次同佢打牌佢都係咁....我一定唔打呀~

等佢三缺一打唔成!

好野!

我要証明我係好重要架...唔係敵人呀!

我唔要再聽到咩麻雀枱上冇親情講呀!

知就得啦..好使講到出面呀...好討厭呀!

贏哂你d錢呀哪!

我要檢舉

台長： DaDa

人氣(41) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)

DaDa 無聊日記 Chlocolate~ vanilla~ lavenda~ honey~ anna sui dolly girl~ anna sui secret wish~ sugar~ ....all are my lovely body jel and lotion 1,681愛的鼓勵 0訂閱站台

好勁呀!打麻雀我一家贏三家呀!

DaDa 無聊日記 Chlocolate~ vanilla~ lavenda~ honey~ anna sui dolly girl~ anna sui secret wish~ sugar~ ....all are my lovely body jel and lotion
1,681愛的鼓勵 0訂閱站台