同Daddy踩單車呀!幾SWEET!＠DaDa 無聊日記

2004-07-16 03:08:41| 人氣43| 回應0 | 上一篇 | 下一篇

同Daddy踩單車呀!幾SWEET!

推薦 0 收藏 0 轉貼0 訂閱站台

今日下午拾拾下野...DADDY話唔好拾啦!我地去踩單車啦!

我話我7點約左人睇相喎!

DADDY就話啦..我地踩個半鐘就夠架啦!夠踩暈成個將軍澳架啦!

哈哈!我見DADDY咁想踩....我就陪佢去租車踩啦!

好搞笑!

我好似由細到大,都冇咩同DADDY一齊踩過單車!

我仲記得以前DADDY教我踩單車教左好耐!

我好怕死...仲成日撞到佢!

佢就O係後面追住我成日扮扶住我架車..咁我就唔驚架啦!

一知佢冇扶,我就即跌啦..仲話佢呃我!哈哈!

有佢我先學識踩單車啦!真係要多謝DADDY啦!哈哈!

講噃今日先...

今日出門口時,DADDY話"綺雯,你咩都唔使帶架啦!錢都唔使.有我!"幾MAN呀!

佢帶我去佢平時租開車O既鋪頭,叩我揀車,佢就去登記俾錢!

之後我同DADDY踩就左一個鐘單車倒啦....有半個鐘我地去左睇海!

我一路都係O係佢後面踩,佢帶路!佢之前同家姐都玩過!

我一路睇住DADDY個背影,好想影佢相.....

哈哈!我唔係咩都冇帶架!我偷偷地帶左部相機呀!

仲偷影左佢TIM呀!佢個背影好可愛呀!

一個踩單車O既爸爸,我都唔知幾多年冇見啦!

踩到去清水灣半島,我表露左身份話帶左相機同佢影相啦!佢都開心呀!

即刻梳靚個頭俾我影呀!

哈哈!同DADDY踩單車好得意呀!仲好攰呀!個SIT位唔好坐!

我又太耐冇踩,一上斜DADDY就會大叫我轉波,我有轉呀!不過唔知轉上定轉落好!

太耐冇踩我都唔記得上斜用咩波....

轉極都唔舒服啦!我問DADDY,佢都唔記得,佢同我一樣亂黎啦!哈哈!

佢話"你轉到成架車輕哂就得架啦!"..點輕哂呀?哈哈!是旦啦!

唔識轉波,雖然有D白痴,

但今日可以陪到DADDY玩,佢開心時,我都好開心啦!

下次如果可以成家去踩,仲要野餐咁就好啦!

係將軍澳野餐...仲要O係屋企樓下.....真係諗起都好好笑!

諗起都開心啦!

好似小朋友D家庭同樂日咁呀!

不過都係涼D同埋唔好咁曬先啦!

今日好熱呀!

我要檢舉

台長： DaDa

人氣(43) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)

DaDa 無聊日記 Chlocolate~ vanilla~ lavenda~ honey~ anna sui dolly girl~ anna sui secret wish~ sugar~ ....all are my lovely body jel and lotion 1,681愛的鼓勵 0訂閱站台

同Daddy踩單車呀!幾SWEET!

DaDa 無聊日記 Chlocolate~ vanilla~ lavenda~ honey~ anna sui dolly girl~ anna sui secret wish~ sugar~ ....all are my lovely body jel and lotion
1,681愛的鼓勵 0訂閱站台