@~Emmanuel~@ @~Emmanuel~@ Everyday, everywhere, every minute, every second...... Where Love Flows, Happiness Follows It only takes a few seconds to open profound wounds in those they love, and it takes many years to heal them......

119愛的鼓勵 0訂閱站台

(16/2/2005, wed)
------------------------------[常務]------------------------------------
今日一入到ward就幫個miss同d病人換片, 見到miss俾人鬧o左兩次. 第一次: miss幫個婆婆換片時好悔氣咁講o左句:"麻煩到死!", and then就俾個瞓o左o係o度, 平時唔多出聲o既婆婆好嬲咁指住o黎鬧:"乜你d態度咁差ga!!". miss叫我唔好埋佢, 但我覺得個婆婆鬧得好o岩law... 第二次: miss同我一齊幫個病人換完片之後無幫個半昏迷o既婆婆蓋番被, 個婆婆屋企人問miss做咩唔幫婆婆蓋番被, miss話婆婆成日"衭"被, 索性唔好蓋, and then家屬就話:"佢衭被都要蓋番ga ma~ 會凍ga ma~~!" and then miss一走了之, 仲去nurse station同colleague申, 緊接個家屬走過o黎投訴... frankly, 我覺得個家屬好有point law...

之後有個婆婆叫我幫佢開包"嘉頓檸檬卷", 因為佢唔夠力(哈~ 其實我都唔見得好大力, 幸好都仲有力開個package~^^;) 幫佢開緊o個陣個婆婆誠意拳拳咁"塞"另一包檸檬卷俾我, 話要請我食, 不過我話:"唔駛la婆婆, 你留番之後食la~", 糾纏o左一陣先走得開張病床~~~^^; 不過個婆婆好似"玩"得好開心咁~~~~ well, 我唔收得病人d o野ga~~>0<

尋日學o左點樣sum up I/O chart, 今日終於都有機會試下做.
仲有機會派飯 + 用syringe 喂粥.
今日有個病人好weak, 好多家屬o黎o酉, 應該係o係彌留之際...佢連d人都應唔到, 長時間keep住半反白眼, d家屬都係o係o度喊, 不過就唔係好大聲咁喊. 我最後幫佢度到o既BP係......49/30...... 因為家屬當中有一個都係nurse, o係PMH 做o既, 佢一見我度完就問我:"度到幾多?"

"......49/30......" 我有d唔忍心講個reading俾佢聽...

"哦...49/30......"

我諗佢都應該心裡有數...


後記: 第二日(17/2)我已經見唔番個病人......