@~Emmanuel~@ @~Emmanuel~@ Everyday, everywhere, every minute, every second...... Where Love Flows, Happiness Follows It only takes a few seconds to open profound wounds in those they love, and it takes many years to heal them......

119愛的鼓勵 0訂閱站台

(15/2/2005, TUE)
-----------------------------[常務]-------------------------------------
今日empty 完urine bag, 正當我想去nurse ststion問有咩可以幫手o既時候, 行都未行到去, 就俾個miss 叫o左入隔離病房幫手. 一入去見到好好人o既miss(EN) & 一個doctor(好似實習醫生), miss叫我禁住個病人, 然後個doc就幫病人o係lower spine 抽o野(之後先知係抽"腦脊髓液"), 個doc唔多掂, 拮o左三次先抽到, 個病人肯定勁痛, 不過個病人有d retarded, halfly paralyse, 眼神呆滯, low conscious level o既, 所以講唔到o野, 期間仲抽筋. 搞o左15分鐘先抽完, 我就keep住一個post足足15分鐘, "low back pain" is resulted IMMEDIATELY... 當我幫個病人轉番身o既時候, 我見到個病人流緊眼淚...... 於是我攞張紙巾幫佢抹眼淚, 又拍下去, 安撫下佢...

五點幾o個陣take VS之際, 有個病人o係我身後張床o度pass away...今日係第二日出ward, 佢係我第一次出ward遇到o既第一個deceased patient, 亦係我生平第一次見o既死人... 我仲記得...o係佢pass away o既兩個鐘頭前, 我先幫佢換完褲...... 有好多家屬(成廿個)o黎悼念, 哭號聲充斥住整個ward, 個仔無喊得好大聲, 但就坐o係佢媽咪o既corpse 隔離唔捨得走, 有兩個女人喊到企唔到, 要之後去另一間房休息; 隔離床o既一個病人話要換床(當然係無得換la...), 另一個用床單蓋住面, 我見到時同佢講:"小心焗親", 佢個囡話:"佢好驚ar..."對面房d人都望o酉過o黎. 之後有個miss o係o個間房o度教我o地sum up I/O chart, 期間我都唔係好聽到佢教乜, 因為我俾後面o既一把聲distract o左, 個家屬喊住對死者講o左一番說話:"(你)今朝仲好地地ga!! 你點解咁唔爭氣!!?! 你點解咁唔爭氣ga!?!!!...(中簡夾雜著哭泣聲)"印象好深刻, 聽到我好心"up", 個鼻都酸o酉, 喉嚨有d哽咽, 但忍住無喊到, 因為個情況已經頗混亂, 而且仲要keep on做其他o野... 個miss好狠咁o係我o地面前講o左一句:"eee~! (d家屬)嘈到死!!"
......................~________~.................
最後到我走時d家屬都未走, 所以我無幫佢做last office...