Day -1 澳門-->珠海-->廣州市區 (地下商場岐關車站*, 約2小時車程, RMB70/人)
[宿朋友家] 可選擇連鎖酒店, 或機場附近的酒店 (約RMB 250)
以下三點可以skip...
--提前一晚去係因為要搭早機走, 關口開七點, 即使坐到七點車都要成九點大半先到機場. 邊趕得切. 如果唔想咁趕就買晏d, 但係國內航班有時會誤點, 試過去四川遲左三個幾鐘先飛到.
--如果有時間可以行下廣州, 上下九/北京路都唔錯, 建議去上下九, 陶陶居斜對面的仁信食個牛三星, 椰汁木瓜糖水, 佢d腸粉都一流架, 順便係陶陶居買籠流沙包, 呢個組合, 正!!
--至於第二日點去機場, 建議book酒店前查清楚附近有無機場專線巴士, 同埋班次車程, 咁就慳到時間啦! 或者有錢咪坐的士囉, 但要預多少少時間, 有時廣州都好塞車.
Day 1 廣州白雲機場(09:55)-->青島流亭機場(12:50)-->青島火車站(約1小時車程,RMB20/人)再轉車至酒店(行李多的話請打的)
是日行程: 巴士約十零分鐘(幾方便架)
--第一日行程以輕鬆為主, 稍為習慣下當地天氣環境, 同埋佢地0既地方口音. 本來諗住早的話可以睇櫻花, 點知比d水母迷住左, 又要改期啦.
1.海底世界(水族館等四個點,RMB40/人,睇表演要另加錢, 所以無去, 返正海洋公園都睇唔少): 為左睇豬的至愛水母而臨時加入的行程, 需時約1-1.5hr. (途中買左條燒魷魚, 好鹹又好鮮~~)
2.魯迅公園(Free): 行去海底世界途中發現, 順便同魯迅石像影相. (遊客嘛~~)
3.棧橋: 坐巴士約十分鐘, 算係必到的旅遊景點之一(等於去澳門必到大三巴). 沿路好多人, 好多小販. (買左支玉米, 好老~, 很久沒吃過這麼成熟的玉米了, 有點懷念小時候的味道). 怱怱地影左幾張相就走啦, 人實在實在是太多.
4.擘柴院民俗街: 小食當晚飯, 早D到的話會多D野食. 佢地八點多而經好多店打烊.
已試小食:
海腸合餅(RMB5) ** 太油了, 因為未試過海腸, 不知何物而把心一橫而試.
燒肉筋串, 腱子, 脆骨, 雞亦 (RMB1-2) *** 還好啦, 燒烤囉~
黃家灌湯包-- 海鮮灌湯包 ***, 豆沙開心豬 ** (RMB 15) 灌湯包值得一試, 隻豬... 值得影下相, 好面包Feel.
宿青島 － 莫泰168酒店(青島火車站店) RMB178
Day 2 北九水一天遊(06:45-16:40, 乘坐07:45公車, RMB7.5/人, 約2小時車程<--順利的話, 否則要成三個幾鐘, 全日五班車來回, 朝早6:45/7:45/8:30, 下午15:00/16:40返程 )
早餐食左M記, 豬怕郊區無咁多廁所, 要是腸胃受唔住D食物點算.
北九水全程都要行, 算係較平坦, 拾級而行, 沿小河逆流而上, 每一水灣之處都有些哲理的文字刻於石片之上, 解釋著前人悟道之處及所悟之理, 值得一去, 不為知識, 也為潔淨心靈, 然枕石漱流, 小隱可也. 北九水就是河流的九個灣, 當然是人為的劃分, 但成景天然. 但此景點受到雨水的影響, 大雨過後, 河流湍急, 則不會對外開放, 即使偷入也是危險.
五月時值櫻桃成熟季節, 滿山滿樹都是火紅的櫻桃, 好像RMB9/斤<--忘了. 櫻桃(細) ****+, 桑椹(想起桑椹胚) ***+, 大櫻桃 *(別被外表及Size所騙而買啦, 酸而不香). 坐係河邊石上, 一杯茶一件餅, 足以忘記凡塵種種.
(全程約3.5-4hr, 門票淡季30元、旺季50元，學生半價<--記得帶學生證唷, 豬帶的是學生卡)
[離坐車仲有成個幾鐘, 係附近水閘坐底影下相, 休息下~ 順便玩下相機D功能嘛, 回程大塞車, 又迫又無位坐又熱, 難得的艱苦團Feel, 離了天堂重回煉獄, 何苦?!]
石老人海水浴場 -- 正在修路, 太大塵所以無乜興致遊玩, 拍了幾張照就走囉.
五四廣場 (遊客嘛, 總要拍張照, 看看人家比賽的場地)
雲霄路海鮮街 (由五四廣場步行可到, 太累就打的吧) 咱去了海島漁村(一) 食海鮮飲啤酒
小嚮螺 *** 鮮囉, 蒜茸蒸大扇貝 ****+ 好鮮, D味較得好, 海腸** ?.?不只鮮而且腥, 扇貝(顏色紅紅地, 同我地D扇貝唔係咁一樣, 但係好肥) ***, 醬炒茄瓜 *** 有D油咁啦.
宿青島 － 青島紅日賓館 RMB280
Day 3 八大關
--今日主打係歷史建築, 有時間必要慢慢地走細細的看. 只可惜豬不懂蓋房子的事, 否則何來三隻小豬的故事呢.
公主樓 (繞了二個圈問埋人先找到, 原來改造成腎病中心) 外墻油成綠色, 不知當年是否一樣, 反正有人在附近拍戲, 看來也該是有名的地方.
花石樓 (門票RMB6.5) 值得入一入去, 頂樓風景怡人. 大樓是蔣中正住過的地方. 整個建築在豬看來是尖尖的, 像歐洲的教堂.
第二海水浴場 好多人影婚紗相, 人唔多的話, 是值得在斜陽下漫步的沙灘. 撐一傘聽著海浪拍打聲, 追隨著日落餘暉喝一口冰涼椰青, 一樂也! 可是, 豬要爭取時間去品嚐品嚐一下聞名已久的青島啤酒.
青島啤酒博物館(08:00-17:00, RMB50) 介紹了創建時啤酒生產的流程, 也參觀了現在的生產線. 最重要是, 可以一嘗新鮮的青島啤酒.
原漿 ****, 生啤***, 啤酒豆(送架) ***. 有時間有酒量可以比錢試埋黑啤. (豬的酒量太淺, 以免喝多了發豬瘟)
台東商圈購物(台東路萬達國際廣場二樓的沃爾瑪) 可以考慮買手信 (散裝魷魚絲味道不錯, 朋友喜歡少少辣)
宿青島 － 如家快捷酒店(青島太平角店) RMB209
Day 4 青島--濰坊--蓬萊(路過)--長島
青島火車站旁長途汽車站: 濰坊(07:00-18:00@流水發車, 乘坐08:00班車, 約4小時車程, RMB49)
--今日要離開青島, 奔向長島. 車程累, 還被賣了一次轉了車, 好在司機替我們截了車只是轉車而已.
濰坊風箏博物館(門票30元, 學生半價, 遊覽約1小時): 後悔無買燕子風箏, 唉~~. 此程學到濰坊風箏事業的發展史以及風箏的制作/種類, 獲益不少. 以前d間諜就係坐住風箏去做觀察.
蓬萊(乘坐13:50班車, 約4小時車程, RMB 55)
長島(06:00-18:30@30min, 乘坐18:30的船, 約40分鐘船程, RMB24): 落日在左, 群鷗在右, 一景也!
晚飯在漁家樂包餐, 有好肥美的扇貝, 點食都唔厭, 只係有D滯, 由十二隻豬bb變左有廿四隻豬bb咁大的肚腩.
宿長島 － 海華漁家(店子村漁家樂020號, RMB160/2人)
Day 5 長島 -- 蓬萊
長島北線半天遊(九丈崖、月牙灣、望夫礁) 一落車遇到一個叔叔, 佢話有平票, 只需RMB100包車. 所以我地決定跟住叔叔走, 希望佢唔係賣金魚啦. 好多大大小小的石春, 拾了6個細龍眼Size的石春比魚魚玩.
蓬萊(05:30-18:00@30min, 乘坐13:30的船, 約40分鐘船程, RMB24)
八仙渡口景區 -- 八仙洞 RMB60, 連導遊講解. 導遊姐姐一般般啦, 我意思係佢講解有d似背書. 但至少知道多點八仙的傳說及背景.
登州市場購買海鮮 -- 賴尿蝦RMB23 澳門較好味,不用試; 鮑魚RMB15/2只小, 幾鮮; 大扇貝RMB6.5/2只, 好味; 扇貝RMB8, 一大碟好好味. 總體***+.
宿蓬萊－ 海天公寓 (的士哥哥介紹, 話近景點, 不過建議大家也試下蓬萊的漁家樂, 坐車入去唔算係好遠喳. RMB60+10海鮮加工費/2人)
Day 6 蓬萊閣 -- 煙台'張裕酒文化博物館' -- 兗州(泰安)
蓬萊閣 (RMB85) 住得近, 旅館行過去就得. 總行程約3-3.5hr, 值得去睇的建築, 沿海依岩石而建, 可以想像當年建樓時的困難. (行程若時間許可, 順便行埋登州水城, 田橫山, 雖然有張地圖, 但行去田橫山時比相像中更久, 而且人走在車路上, 間有車經過便食塵了)
--離開蓬萊, 短暫停留煙台, 為的就是喝一口當地產的葡萄酒.
煙台(06:00-18:00@15min, 乘坐12:30班車, 約2小時車程, RMB18)
張裕酒文化博物館(08:00-16:30, 一般票RMB30): 參觀紅酒生產的過程, 試了紅,白酒各一, 比較喜歡白酒多一點.
客車站附近有一家大學生開的張真'茶油鴨'店, 聞上去十分香, 所以排隊等食, 唔知係咪因為肚餓, 真係幾好味. ****+.
打的至火車站: 煙台-->兗州 (搭乘列車K764, 軟卧, 22:49-08:05, 約9小時16分鐘, RMB526/2人'上下鋪') 車上識到個攪藝術的老大哥, 吹水打發時間. (這趟火車沒想像中難坐, 可能這幾天行程也累了吧, 只有火車靠站時微醒一下而已)
宿火車上
Day 7 兗州 -- 曲阜 -- 泰安
兗州-->曲阜(06:00-21:30@流水發車, 約0.5小時車程, RMB5) 存包於車站(RMB5)
--去泰山前先繞到曲阜拜會一下儒學的祖師爺.
孔廟、孔府、孔林(遊覽約4小時, 旺季150元, 淡季130元, 學生半價, 小車RMB15連接三孔): 孔廟值得一看, 沿路不停偷聽別人的導遊講解, 說真的, 有講解就會被領著走, 不能慢慢地看, 靜靜地感受歷史所呼吸出來的氣息.
孔府豆腐等... 一般般, 比較喜歡港澳的豆腐多D. 此程買了一些小石頭, 或許將來哪日有個閒情日致用來刻個小印.
曲阜-->泰安(06:00-19:00@30min,約2小時車程, RMB20)
下午已到泰安, 準備好好休息一晚第二日行泰山. 有些年輕力壯的會係夜晚上行, 但豬老矣~ 一行先安頓行李, 由旅館走到岱廟, 順道參觀一下下, 順路食埋個便飯.
岱廟(08:00-18:00, RMB20, 學生半價)
宿泰安 － 泰安銀座佳驛酒店 (RMB158) 記得問清楚d酒店有寄存行李, 唔係間間可以存包架.
Day 8 泰山 -- 濟南
泰山 (天外村坐車到中天門, 步行至南天門, 遊覽泰山風景, 門票RMB249/2人, 好像有學生證半價): 約八點出門退房, 存包於酒店, 打的至天外村RMB8.
可全程行上山, 但老豬的體力有限, 只好3/4坐車, 用豬蹄走1/4路程. 下山也只好選索道(RMB80), 個人感覺, 上山容易落山難, 上山時已見不少人在落山時PK.
濟南(06:00-21:00@30min, 約2小時車程, RMB22) 下午已行完山, 即時回酒店取行李去濟南.
購物(沃爾瑪/華聯商廈): 最後沖刺買手信時間.
晚飯於阿瓦山寨
山寨魚頭王****, 魚肉嫰滑, 完全入晒味, 外加拌面一份 ****+ 吸收左D魚汁, 實在太美味啦; 辣子雞丁 **+, 都幾多雞, 可惜魚頭實在太太太好味啦, 對比之下失色不少; 另外有份唔知咩薯仔煮肉, 都幾好味. RMB92.
宿濟南 － 格林豪泰(濟南火車站店) RMB180
Day 9 濟南 -->廣州 -->珠海 --> 澳門
濟南火車站旁長途汽車站(整點發車, 乘坐09:00機場車, 約1小時車程, RMB20)
濟南遙牆機場(11:20)
廣州白雲機場(13:45)
珠海(機場車, 約2.5小時車程) ---- 澳門
機票來回包稅約RMB1120. 成個行程大約用左RMB4000左右.玩九日算抵囉. 只係中間好多都係巴士(唔累又有時間建議坐巴士, 又平又多班次, RMB1-2每程)
如果想要詳細資料, 可以聯絡本豬. '或留言'
在此特別嗚謝榮譽團友--小蓮子, 是整個行程的企劃及執行人, 以及此文章的第一撰稿人. 無左佢就無左呢趟行程, 在此獻上萬二分的謝意!
---2009-07-10---
* 2009-12拱北地下車場關閉改造中, 岐關車臨時購票點係出關左手邊玻璃門附近, 向左行去停車場有接駁車送到去臨時車站. 唔計等車約5分鐘車程可到站點.
文章定位：
