好玩之必要 生活很平淡，好玩就好。 設部落格，寫作，旅行，畫圖，練書法等等，都是出於好玩。 好玩就玩，不好玩就不玩。 隨緣。

332愛的鼓勵 12訂閱站台

佇菜市仔，一位七十外歲的太太真熱心，看另外一位太太向（ann3彎，俯）咧揀（挑）番薯，就共規个籃仔捀（phang5，端）起來疊佇刺瓜仔籃面頂，講，「按呢較懸（高），就免向遐爾（那麼）低；咱這个歲，向落去提物件較食力，會傷著腰脊骨。」

對方多謝伊，呵咾，「你的筋骨猶真軟。」

「咱敢有熟似？」

「我捌（曾）佇公園看過你運動。」

「我毋捌去公園運動啊。」

「你腰彎落去，抑是跍（khu5，蹲）落去的動作攏誠扭掠（俐落）。」

「你可能看毋著人矣。」

「你踅（seh8，逛）公園一箍磚仔路行，嘛真大步，真緊（快）。到這个歲，有法度按呢，誠無簡單。」

「我，我……」

2017.4.16《中華日報》副刋