陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

30.6.06,星期五. ”磁力共振...死亡的遠景”

由於人手不足，原本今日去醫院做磁振想請成日假，都要改成請幾個鐘去做。
準時11點去到醫院，換好衫等做磁振，因做之前要在照的位置注入定影劑和麻醉藥，所以被安排先在一間似似地手術室的房等醫生，就向我躺在床等醫生的時候，我突然想起我出生的醫院，和想起爸爸同我講我出生時是鬼老醫生接生的情形，殊不知呢頭想起，個頭真的走個鬼老醫生出o黎，他是帶著個實習醫生的物體來幫我做磁振前掃瞄和注射藥水呢!
搞點晒，係時候去做磁振了，由於我是照左手，個人要則去右邊，加上我個人又”大份”，結果十分勉強的才被塞進圓筒內”照”。原來磁力共振真是”振”你的，塞入”筒”之前我先被帶上耳罩，然後就被人振足九個字。由於我被打了麻醉藥，所以入筒後有昏睡的狀態，但因為部機的振動的聲響，每當我入睡的一刻就會給弄醒，所以被困的這九個字真的不好受。
振完走得都已經是十二點九了，所以去Elaine妹妹屋企樓下買個飯盒返中心食就是了，但點知食完餐飯，o的麻醉發作，結果個人又午後開始就處於半昏睡狀態，無法工作呢!
話說回頭，躺在病床上等醫生的時候，我突然想起如果日後自己離開世界前，我不想像此刻的被關在陰沈的病房內，而是可以躺在望到綠草和大海、充滿陽光與藍天白雲的窗前，加上暖和的風輕輕地將我帶離這個世界。

1.7.06,星期六. ”29+1”

是日香港淪陷九週年，中共建黨八十五年，使我討厭!!但青藏鐵路的通車，卻使我興奮，我將來一定要乘這鐵路入藏。
上星約了鍾太今日出來食lunch傾計聚舊，結果我遲大到，真的唔好意思!!我們本去漢陽苑o架，但那兒話要接團體，限我們九個字後要走，我同鍾太緊唔制啦，於是我便帶鍾太去了小肥羊試飲茶任叫任食，60蚊一個人又真係幾抵，因為我們食o左好多點心呢!我倆聚頭，傾的當然離不開中心的事，唉~~總之就感慨涼多啦。飲完茶，帶鍾太行o左陣旺角，同佢去買o左幾隻VCD，同時自己亦買o左隻”Before Sunrise(情留半天)”的DVD，之前搵o左好耐的了，間間都只係有DVD，唉~算啦，人家話唔會再出的VCD的了，貴幾十蚊都照買啦，因為我想睇埋隻”Before Sunset(日落巴黎)”呀!
同完鍾太行街，就跟注搵Sally，原來佢同緊Janice和她男友一齊，準備去睇”四條腿拯救隊”，hehe~點可能唔預我呢，這套戲我都想睇的嘛!就在睇戲之前，Janice突然問Sally有無興趣睇”29+1”，我一聽到成個人即時興奮!!!對注Janice講:”乜29+1再公演咩?”，Janice話係，兼且她朋友職Kearen，同埋現在可以預定門票呢!!我一知道就即刻舉手話要睇:”預埋我預埋我”......好o野!可以去睇29+1啦，我要通知埋Madam和心心等等一齊去睇!!!!
今晚我們去了笑笑食飯，不錯的，可以再去。另”四條腿”好好睇，兼且很有教育意義，因這套電影提倡重視家庭、注意環保和人類應留意人與大自然的關係，真的有娛樂性之餘兼有警世之用。

2.7.06,星期日. ”Before Sunrise”

上午同爸媽飲完茶，沒有去街街呀!一個人歸家睇”Before Sunrise”，之前不知她好不好看，只知道是一套愛情小品式電影，所以睇完沒有什麼驚喜或失望，只是感覺很舒服，不用怎樣深入的評論，簡單一個”緣”字便是了!!因為其實感情世界可以說是十分複雜，甚至是高深莫測的大學問，就算是一堆先哲們也難解釋得盡如人意，但與此同時，感情其實是十分簡單，簡單到沒法解釋，愛便是愛，沒有理智，世界只剩下兩個人......
睇完戲，Madam傳來約食晚飯的msg，本來陪唔到佢o架，但點知阿媽又掛注”拜神”，所以晚上不用一家人食飯，所以可以去陪佢。今晚先同Madam食飯，然後搵佢同我配眼鏡，但揀唔o岩款呀!結果去了shopping，不過shop的不是我是Madam，佢買o左好多o野呢!向沙田行完街買完o野，我們當然唔少得去埋city super買Royce的朱古力，然後坐低一路飲注咖啡食注朱古力邊傾計，真的人生一大快事!加上今晚我們買的是限定版士多卑梨味(Madam至愛)，好好味哦~~
開心的晚上，就是這樣渡過，兼且真的過得很快。

3.7.06,星期一. ”回應”

好開心，見到Kearen小姐在29+1的留意版有回應，真的好開心，好似小影迷收到藝人回覆的感覺呢!哈哈~~~
同時，在...見到一個......「無言」。