陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

由於上星期忙五常法，所以到今天才寫日記，因此原本詳細的也要簡短了......

25pm.2.06,星期六. "婚禮"

早上忙過五常法，11點幾就返歸梳洗，然後就過顯徑，搵杜展淦教會朋友，幫手花去教堂。由於我時間太趕，所以要坐的士去，但點知個司機車o左我去嘉田苑，害我由山上行返落山下呢!不過好彩沒有太遲，我們送花上到活靈堂兩點都未夠。
因為真的唔識佢o的教會朋友，所以Crystal佢地未到我只好呆呆的在等，待他們來到我先唔覺悶呢!傾o下講o下好快就到兩點半，婚禮開始了，起初沒有什麼，只見有一兩個女仔一時感觸的哭了出來，但就向正我們前面有一個女仔越哭越犀利，最初我以為佢可能係有親友身故，見到這樣的場面而觸景傷情，但到婚禮完畢離開教堂後，聽返Crystal講那個女的原來是杜的前女友，不請自來的......Oh~no~!換o左我係佢，如果未放低我一定唔會去，以免哭過不停，甚至做傻事。
觀完禮，見有時間，先同家樂、Crystal、家明一行四人去了食個Tea，之後我暫別他們，去了取新身份證(勁樣衰的)，順便入宜家買把傘，才入馬鞍山，我去到的時候快八點，接注家樂和Miss也都了，大家開開心心的傾計等開餐。今晚的婚宴十分有氣氛，有得玩、又有得抽獎，成晚都熱鬧非常，再加上酒樓的服務、菜肴都不錯，總觀真的比Toto上星期的......

26.2.06,星期日. "小梨"
星期日的早上，仍為忙五常法的，做到12點先返歸，跟注就同爸媽出旺角稻香飲茶，然後一個人坐車落尖沙咀，去星光行商務取新會員卡，順便買了一本"地圖"，跟注再坐返車返旺角，等"小梨"。
這次是我第一次約小梨去街，亦是第一次正式見面，所以我準時5:30去到"身體店"，等o左一陣，小梨也到了。雖然是第一次見面，但一點緊張的感覺也沒有，可能已經向網上識了一段時間，加上大家都算投契的關係掛。
我先同小梨四圍逛，信和、兆萬、潮特...都去埋，然後先入女人街食o野，不過那間什麼南瓜舍唔係咁掂，無南瓜之餘食物又麻麻，下次無交易了!其實今天本想同小梨食街頭小吃的，但實在太飽了，要留待下次啦!食飯的時候，收到一個意外驚喜，那就是小梨給我的"禮物"呢!我真的沒想到2月尾仍有禮物收，真的好多謝妳呀小梨~~
食完o野同小梨過朗豪行o下幫助消化，然後去滿記食甜品，我的香芒白雪紫米哦~~食極都咁好味!食完甜品，同小梨搭墮鐵返歸，開心的一晚就此完結。
hehe...今晚同小梨去的地方希望沒有悶到佢啦!

27.2.06,星期一. "老友"
今天晚上約了老友記食飯，不知隔了多久沒有兩個人單獨約出來了，所以可以話今晚我們終於重聚了。
今晚準時的去到荃灣墮鐵，但結果...我企係到都訓得著!
晚上風雨大作，冒著這樣的天氣同老友去森美食飯，但點知它執笠了，所以我們去了意粉屋，一路食一路傾......能夠與好友聚頭傾計，人生快事也。

28.2.06,星期二. "Madam"
今午Madam約我，吃過飯行完街去了"Best Berry"，一路食注Royce朱古力一路傾計，知道Madam的難題...我知妳一定捱得過，Madam，我撐妳，妳要加油呀!

2.3.06,星期四. "不悅"
下課後返家，不悅...我的問題...家庭問題...延至自己...只有獨個承擔。

3.3.06,星期五. "多謝大家的支持"
我遇到不快，周遭的朋友都會撐我，真的多謝你o地呀!

4.3.06,星期六. "命已至此"
多木依然唔睬我...
"命已至此，誰會在意，根本不介意"

5.3.06,星期日. "開工"
星期日，仍要開工做五常，還要是偷偷返中心工作，唉~都唔知為乜，朝十晚七，命都比埋佢。

6.3.06,星期一. "五常...好倦啦"
今晚好似同了Sally去食飯...

7-10.3.06,星期二至五. "五常法"
唔得啦!係星期四晚去了返學，其餘晚晚都係五常法，其中星期三幾個同事做到成11點、星期五自己做到12點，想死呀!唔寫啦~

11.3.06,星期六. "本想..."
晚上本想...但似乎做唔到這個效果，我唔知可以點。
深夜同祖迪去了陳根記一訴"男人之苦"。

12.3.06,星期日."BBQ"
今日本來去BBQ，但我"唔舒服"，所以沒有去了...(唔寫啦)

13.3.06,星期一."擁擠不下"
兩個人的事，根本就容不下多一個人，更何況現在多出三個，我真的不知如何面對...我真的記掛著她，但我可以怎樣重建這段友誼呢?我要面對著四個人......