陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

26/4/05,星期二. "歡送"

今晚收工後，和一眾同事去了尖沙咀山景酒店食自助餐，同祖廼仔搞"歡送"。這兒是我第一次去，但沒想到原來這酒店就在我同朋友間中會去的"諾士佛臺"隔離。這兒食物和環境都不錯，價錢又ok，最重要是位置好，食完行過隔離就可以飲o野傾計，正!!有機會會再去。
席間除了歡送祖廼，同時還玩埋"慶祝"，慶祝4月前後左右生日的同事，哈哈~真的沒想到有我份呢!!不過一想到慶祝，就領我想起......我知自己好細佬，但確實又有點唔開心，那就是我的5A同學不知為何沒有同我慶祝......我不是想要禮物或有人請食飯，而係一班要好朋友的祝福和記掛，但大家似乎忘記我了......
今晚祥嫂又...唉~~真的要改呀!!

30/4-1/5/05,星期六、日. "拜山=旅行?"

有朋友話我，返大陸拜山即係旅行.....我想是其中一部份呢!因為我們隨了拜山，還會行街食飯(旅行)，加埋家庭聚會，是三合一才對呢!!
星期六，我和爸媽、姑姐姑丈午前先行上去，在廣州飲過茶就去行"上下九"，各人都有所收獲，惟獨是我自己買的不是給自己的，而是送給中心的同事和老人家吃的--蓮香樓的美食。不經不覺行到七點，係時候去食飯了，因為弟弟和大伯也快到廣州了。我們今晚去了廣州其中一間"小肥羊"，這是細佬建議的，因為佢話應該平香港一半呢!HEHE...不過到埋單時，價錢出乎了我們意料...竟然只是三份一價錢，認真超值(在我們港人角度)。不過味道和新鮮程度始終是香港店優勝，惟度份量啦，卻是廣州的多一倍。今天是第一次見大家姐的囡囡，即係我的外甥女啦!好可愛哦~~亦因為這原故，她獲得小肥羊送贈一隻小肥羊小小毛公仔呢。
到了第二朝早上，一家人飲過早茶後就驅車前往祭祖，一來一回連埋拜足足用了成過上晝，由於我們座的車"太寬敞和舒適"了(反話)，所以我在車上來回兩程都睡著了(該叫焗暈先o岩)，不過好彩後來我們去食午飯的"食為天"地方真的舒服和食物一流，個人即時補充番能量呀!這間酒樓有好多古靈精怪o野食o架!又有很多新款特別菜式，真的不錯呢。
食完飯都兩點幾了，一行人返大伯屋企坐陣傾陣計都已經到四點，於是我們便告別大伯一家，坐巴士去火車站坐火車返深圳。我們今次坐的火車十分特別，是一列卧舖火車，它是由北京南下落深圳的，我同細佬估計係由於較早前出了一班壞車，班次出現大亂，結果我們買著了這班特別車，我們都係上車前一刻才發現。這是我第一次坐有卧舖的火車，所以專登在車前拍照留念呢(即今次日記的相片)
返到深圳都已經是七點了，伯伯例牌在東莞下了車，而細佬今次就自行返港有節目，剩番我就帶爸媽同姑姐佢地，去坐深圳地鐵、去書城，同埋去樂園路吃晚飯。吃埋飯，返到香港都成11點幾了!不過這樣帶爸媽去一去，他們好像上了隱，話想再去多次呢!

2/5/05,星期二. "Elaine妹妹"

好耐無見Elaine妹妹了，所以相約了今晚食飯傾計行街街。我們去了"嚼江南"，第一次去食咋，味道不錯，不過價錢不平呀!所以我們坐番夠本，一路食一路傾，食完當然繼續傾，結果傾到要比人"趕走"呢!食飽飽當然要行o下運動o下啦!於是我們就去行街街，去大眾、去六樓睇電器，一路行一路傾，十分愉快哦!!如果今晚Joanna妹妹係埋到就更好了。(好多謝Elaine妹妹的支持和鼓勵呀!!)

3-6/5. "病"

唉~又病，傷風感冒個隻，還學人發高燒添!不過今次沒有請假，因為人手緊加上手頭上好多o野做呢!我想近年容易生病、傷風感冒常起，係和工作壓力大、工作量多，加上家庭、學業等壓力，還有缺少運動都有莫大關係，再加上人"老"了(即人大o左)~~~~
今天工作又有不快了......

8/3/05,星期日. "母親節"

今晚一家人與舅父佢地同埋婆婆去了荃灣個間"客家好棧"做節，好低食哦!
由於現在的環境，我今年只是送了一本寶珠的懷舊影集給媽媽咋!