陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

11.2.06,星期六. "生日快樂(1)"

好期待、好緊張，這樣的心情由昨晚跨到今晨，所以就算是星期六短週，我還是9:30就起身了。雖然係早起身，但約會是在下午，所以成朝還是搞東搞西。先是十一點幾還返埋中心做少少o野，然後再落沙田買一陣睇戲的小食和買用來包"迫人要"的情人節禮物花紙。

我先去西田搵花紙，很順利的找到一張有貓貓的，然後再過City Super的Royce買新出的Nama橙酒朱古力。跟注見成點鐘有點餓，多木又未有電話到，於是就去食碗麵，然後回家準備，但點知就在坐緊巴士快回到穗禾苑時，多木的電話就來了，所以我一落車就快步回家，用最快速度梳洗扮靚靚(都半個鐘)，跟注往我們今日的第一站--黃大仙出發!

我已經用最快的交通路線的了，但結果還是遲到了5分鐘(約了3點)，不過好彩多木比我還要遲呢!今日再去黃大仙，原因係多木初三求的其中兩枝籤唔係咁好，所以揀今天好日宜祈福，向大仙爺爺作個福保平安。由於作福十分簡單，再加上黃大仙祠今日唔多人，所以我們可按原定的時間3:30鐘走人。

離開黃大仙，我們坐地鐵落旺角，去我們今天的第二站--Charile Brown Cafe食Tea!呵呵~好正哦，我都係上星期同多木行過旺角先知向嘉樂對面開o左這間Cafe，多木前日建議今日到這裡我不知幾開心，雖然人大了不是什麼也要Snoopy的，但有得去以Peanuts為主題的餐廳，心裡始終有份莫名的興奮。上到去和我想像的差不多，整間cafe全都是Peanuts裡面的一班好朋友，當然少不了主角Snoopy和Charile Brown啦!由地板到天花，由檯椅到器皿，甚至連食品，你都可以發現他們的蹤影(惟廁所裡頭沒有)!我倆上到去唔洗等好耐就搵到位，坐定定後我們揀了兩杯以Charile Brown為題的朱古力咖啡，和選了一個甜品Set(就是相裡面的)慢慢嘆。這個Set中三個甜品的味道不錯，係杯咖啡就濃o左o的(就係咁樣夜晚出事了)，與此同時我們還開了Royce買的朱古力來試，真的和原味的一樣咁香咁滑咁好味。(多木原來真的不愛吃橙味的東西，好在這款朱古力味道入口ok呢)

嘆完下午茶，見有小小時間就去行一行嘉樂，但萬沒想到失了預算，因人太多，由嘉樂行去地鐵站要用N咁耐時間先行到去，結果我們的第三站--IFC百老匯睇"真的愛你"，遲o左成兩個字先入場。未睇之前只知這片跟"Love Actually"結構一樣，講的當然是真愛，但"真"片是韓國電影，和大部份的韓片一樣，所有ending都是無好下場，片裡頭無一個故事有好的結局，這是我不太欣賞。再加上我今日的心情是喜多於悲，所以我今次沒有睇到哭，但我身邊的多木就睇到...嘻嘻，唔講!

睇完戲都已經是7:45了，於是我們就坐的士去我們的第四站--Regal HongKong Hotal的Zeffirino意大利餐廳食晚餐。為何今晚會揀在這裡慶祝?哈哈!因為中銀信用卡寄來了優惠，用$368這價錢就可以享用兩個set dinner。我見用這個價錢就可以在高級餐廳食晚飯真的好抵，再加上都不知幾耐無試過去這些地方食飯了，所以就膽粗粗約多木今晚去試。其實去之前都有點緊張，因為早兩日見到雜誌影了這餐廳的照片出來，嘩......原來真的好grand架!

我們準時八點去到，這餐廳位處Regal的31樓(不知是否頂樓)，一入到去，我倆都即時強忍--忍注唔敢大聲講o野同亂o黎，實行扮紳士淑女，因為這裡不竟是高級餐廳嘛!我們$368的優惠可於四個course裡揀三個，因為之前向cafe已經食過甜品了，所以我們揀了首三個course。食這個晚餐發生了一個小插曲呀!也許是我的好心做懷事，嚴格講或是我唔夠細心，事原係今晚個set的兩款choice裡，頭盤和主菜都有魚有肉，由於我們兩人沒有事先選定，當人家上頭盤時，我很自然的將魚類給女士，因為我腦裡的餐桌禮儀是無咁heavy和清一點食物會給女士的，但多木話我係因為唔食魚先將頭盤的吞拿魚給她，即係我唔要的先比佢喎，再加上她都不是太愛吃魚的.....oh~No呀!我完全沒有這個意思的呀!今次我真的衰唔夠細心和好叻唔叻冷聰明了!不過好在個吞拿魚弄得似豬肉幾好食咋。

這餐廳環境真的超正，正到我倆坐得有點唔自然，但傾計絕對是ok的(當然唔可能大聲傾)，因為豪華的裝修、柔和的燈光，再加上落地大玻璃外面對注維園和維港夜景...$368真的超值呀!哈哈哈哈......。
Zeffirino真的不愧貴為香港十大食府，食物真的不錯，但我今晚不是志在來食好o野，而係享受食的過程和與多木的相處，所以食o左o的o野係咩名都唔記得了...嘻嘻!我們一路食一路傾，到飲餐茶時，我終於端出我預備好的"迫人要情人節禮物"給多木，她一拆開...似乎幾鍾意呢，因為那是上次同佢去迪士尼影的相。
飲完茶，睇完相，傾多一陣，已經是十點鐘了，埋單走人啦!結果張單找數是$404咋!我覺得真的好抵呀~~如果換了沒有優惠真的無得咁抵呢!埋單時又有小插曲啦，就是個經理問我們，他們的主菜是否有問題?因為我們沒有食到其中一道主菜唔知咩魚呢!其實不是人家弄得唔好，只係我o地一來好飽，二來佢o的味我o地食唔慣，還有我們兩個都唔好食魚，所以全碟差不多無郁過係番到。

食完飯，我們行路過灣仔坐船返尖沙咀，本想去諾士弗臺飲o野的，但大家都倦了，加上多木第二日有節目，所以我們最終沒有去飲o野，而去o左坐271返大埔(我就在這巴士上踏入我的29歲)。就在行去灣仔碼頭的路上，我的腳抽筋突然發作，但我沒有同多木講呀，因為...，但結果我都能死忍撐注，捱到上船後雙腳便無事了。

送完多木返屋企，還能趕到K巴坐回火車站，坐火車返火炭再轉的士歸家。就在這段路上，我打電話給小梨答謝她的生日Msg，一路傾到上的士，就是這一講，我收到生日的第一個驚喜，的士司機於我臨落車前同我講"生日快樂"呀!哈哈!我想因為他聽到我同小梨的對話，所以這位司機送我一句生日快樂呢!(小梨，妳應承出來o架)

返到屋企，第二個驚喜亦來臨了。我一入屋我阿妹就要我用件衫遮住個頭唔準睇，原來她從雪櫃取出一個蛋糕，待她放好我才可以望，原來這個是阿Mon送給我的呢!她在今日收工時親自拿到我屋企來的哦!我知道後真的十分感動!於是第一時間致電比阿Mon多謝佢，這刻我真的差點想哭哦。不過這時實在夜了，所以我沒有即時切蛋糕，只是吃了媽媽從老人家壽宴帶回來的小壽包應應節。

擾擾攘攘到成兩點幾先去睡，但因為下晝我同多木都飲了咖啡的關係，無法即時入睡，結果多木成三點鐘send個msg來問我訓o左未，最後大家傾多陣電話先訓呢!
好多謝多木陪我慶祝，好多謝阿Mon的蛋糕，好多謝Madam、小梨、阿Mon給我的祝賀!真的好多謝妳們，我今天真的過得十分十分開心呀!!


12.2.06,星期日 "生日快樂(2)"
29、29，今日是29歲的生辰呀!
今早收到蕉蕉的Msg,多謝妳!
由於昨晚成三點幾先睡，所以今早十一點幾先起身，但似乎還未睡夠，個人感覺仍然很倦呢!
雖然今天是正日生日，但沒安排什麼活動，只按自己原定計劃，下午出深水埗買五常法o既o野，但由於一個人實在太悶啦!所以我坐緊81時，send msg搵朋友陪我去食飯買o野，但結果回覆者多是唔得閒，惟Jordi兩公婆給我弄醒，所以他們就陪o左我食飯啦!哈哈~~~不過由於他們要梳洗妥當才落街，所以我一個人先在高登買o野，然後才過太子會他們兩人去食飯，那時其實已經是四點的了。簡單的食o的o野，Jordi先走去踢波(注:他上晝已參加了十公里馬拉松，下午又去踢波?癲o架!)，剩o番我同Sally去逛街，行呀行呀，太子去旺角，旺角又去返太子，咁就夜晚七點幾了，那時Jordi也打完波回來，他回家沖洗完後就，就同我同Sally去了一間叫"馬國餐廳"的食咖哩。
就在食飯的時候，收到多木的電話，她問我買SK-II係咪有平喎，我告知她不是呀!只是我同Sally去了一間唔知乜乜買了些平的板仔，所以想幫佢問原裝的有無平，所以剛才才send個msg問她...就在這時，我問她在那裡，她反之話我知她在那裡，但我真的不知道呀...所以我一味叫她來食飯。在收線後，我才在Sally口中先知原來多木去了......我真的估唔到呢!
但由於多木出到來時我們已經吃飽了，所以我們去麥噹噹陪多木吃個飽，順便品嚐多木的作品......^_^ good~!還有順便為我唱生日歌!!
試完多木的，上樓上咖啡室，本想去貓貓的，但這兒9:30就關門了，所以我們隨便的去了樓下一間繼續閒談。就在這時，收到陳生和Pinky的祝福(Pinky，妳也應承第日請我食飯o架)
飲完o野，成十一點幾了，送多木返大埔後，自己也回家了。

13.2.05,星期一. "是對是錯"
今日睡到十點幾起身，食過早餐就寫11號的日記，寫到成三點，然後食個麵後就出深水埗買埋o的label。買完label，返沙田，買完明天情人節請大家食的朱古力後，做了一個決定，但我真的不知是對是錯，好驚呀!我唔想出現不好的結果呀!天呀!幫幫我啦!